Yude 1:3 - Loina Tabu Auwauna NT

³ Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.

Yude 1:3 Σταυροειδείς Αναφορές

Guinuwa 17:3

ta Paulo nina mwalatoi 'i'ebwa'edi, 'igwae, “To'etoseyana nina 'ilobwenena be 'elouya 'iloba be 'ida mwawasa, be wate mwawasega 'ida toolo limana.” Ta wate 'igwae, “Yesu nina yasimasimanena 'emiya, tauna tuga To'etoseyana nina.”

Guinuwa 18:28

ta 'ina e'ita me Yudia 'idi e'ita 'iewaiwai sinena, manuna Buki Tabu 'enega 'ie'itedi 'aene To'etoseyana nina tauna tuga Yesu.

Guinuwa 28:28

'Enega Paulo ona nina wate 'iloeposeyanena, 'igwae, “'Enega wada mwalatoni 'aene Yaubada 'ina simana 'ada 'etoseyana, manuna ni'atu 'ietunena taudi nigeya me Yudia 'ediya, be taudi sa'i sida nono.”

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

Guinuwa 6:7

'Enega Yaubada 'ina ona 'iewaiwai tomota 'ediya, ga tomuliyao 'adi boda 'isinabwa wawasae sena Yelusalema 'enaya, ta totaliyao yaudi wate ona nina sinonona, ga Yesu siemisena.

Guinuwa 9:13

Ta Ananayasi nina 'igwae, “'Inapwana, tai nina tetelina tomota yaudi sieonegu, 'aene tai to'umalina, ga 'imu toemisao Yelusalema 'ena ni'atu 'ietalauwala wawasaedi,

Guinuwa 9:22

Ta Saulo 'ina guguya gote 'ena 'iewaiwai wawasae, ga me Yudia nidi Damasiko 'ena simiyami 'ie'itedi 'aene Yesu tauna To'etoseyana nina, ta nigeya wate 'idi 'ebe onamo.

1 Kolinita 15:3

Tetela gete 'alena ya'ita lobena 'enega yasimanena 'emiya 'aene Keliso 'ida to'umalinao manudi 'imwawasa, nadigega Buki Tabu 'ina simana,

Galetia 2:5

'Enega 'idi loina maibo'ana 'aguitoyasena, ta nigeya 'ebweu to'ase 'ena 'atagwatagwala. Geya'abo 'ida tetela 'ai'aila manumi sisa'usa'u gelasa.

Galetia 3:28

Manuna maibo'ada Keliso ma'eda, ta nigeya 'ebweu wate weyala soladaya 'imiyami. 'Enega me Yudia be mali bodao leleleya, ta 'inapwanao be 'idi topaisewao leleleya, ta wate me'olotodi be mewainedi leleleya, manuna maibo'ada Yesu Keliso 'enega tae'ebweu,

Galetia 6:11

'Etoladi gete matana sinabwana taugu nimaguyega ya'etoladina.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

Pilipai 1:1

'Abo'agu ta Timoti ma'iyagu 'aguiguinuwa To'etoseyana Yesu manuna, 'imi leta 'a'etoladinawa 'omi me Pilipai Yesu Keliso 'ina toekalesiyao, be wate 'imi toanuganao be 'imi dikoniyao ma'emiyao.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Kolose 1:2

me Kolose, 'omi Yaubada 'ina bodao, ta Keliso 'ana toemisao, 'emiya. Tamada Yaubada 'ina oboboma 'enega wada miyabobo'ana.

1 Tesalonaika 2:2

Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

1 Timoti 1:18

Natugu Timoti, 'unuwa'i'isi lowa Yaubada 'ina tosimanao 'imu guinuwa Yaubada manuna sigimi simanena, ta 'abo'agu wate 'igu loina gete 'emuya be 'uda etapewa Yaubada 'ina guinuwa manuna,

1 Timoti 6:12

ta wate tapwalolo 'ana guinuwa bobo'adi 'ediya 'utoo be 'uewaiwai, ta yawasiyo ataya wate 'ugiyai'i'isi, manuna lowa Yaubada 'iesinuwemuya, tuta nina 'imu emisa Yaubada 'enaya 'usimana apwesena tomota yaudi matadiya.

2 Timoti 1:13

Lowa guguya nidi bobo'adi ya'ebwa'emu, Yesu Keliso 'ana emisa be 'ana oboboma manudi, ta 'uda muliya 'ai'ailidi.

Taito 1:4

Taito 'oyo ya'awanatu 'ai'ailemu 'ida emisa 'ebweuna 'enega. Tamada Yaubada be 'ada To'etoseyana Yesu Keliso 'idi obobomega sida lemeyo, be 'uda miya guguya.

Ibeliu 13:22

Gosegwao, 'imi leta gete kukupana tuga ta yasida 'emiya be ma imi 'alama'i'ita 'igu loguguya gete wada nono.

Ibeliu 6:9

Ta gosegwao, 'igu ona getedi emataluwa tuga, ta yanuwayaina obobomega 'aene 'omi Keliso 'ina 'etoseyana 'ana to'ewao wada ewaiwai 'ai'aila.

1 Pita 5:12

'Imi leta gidalina gete Sailasa 'ilemegu ga ya'etoladina manumi. Tauna Sailasa nina taeesena 'aene 'ebweu tasidai ma ina emisa. 'Enega 'imi leta gete 'ena nuwanuwagu be Yaubada 'ina oboboma 'ai'aila yada simane 'emiya, be 'enaya wada toolopa'ala.

2 Pita 1:1

'Abo'agu Yesu Keliso 'ina toguinuwa, nai 'ana tosimana, 'imi leta ya'etoladinawa, manuna 'omi be 'abo'agu 'ida emisa leleleya, tauna 'ida Yaubada be 'ada To'etoseyana Yesu Keliso 'idi loina bobo'ana 'enega talobena. Gete yage nina 'edaya yage sinabwana.

2 Pita 2:21

Taudi nigeya bubuna palupaluna 'ana 'eda simwalamwalatoni, ta e'ita kabokabo simulimuliyedi, ta ma'etamo to'umalina siloba. Ta esi taudi ni'atu bubuna palupaluna 'ina 'eda be Yaubada 'ina loina 'esasena 'ana tomwalatoiyao, 'eguma sipilisinei sito'umali 'ai'aila.

Yude 1:1

'Abo'agu Yesu Keliso 'ina toguinuwa, ta tasigu Yemesa. Gete 'imi leta ya'etoladinawa, 'omi Tamadai Yaubada 'ana esiesinuwao, manuna 'iobobomemi ta Yesu Keliso 'i'ita'i'isimi.

Yude 1:17

Gosegwao, 'ida 'Inapwana Yesu Keliso 'ana tosimanao 'idi onaupaupa wanuwa'i'isi tuta nina sigwae, “Tuta 'ana 'ebe losalowa 'enaya 'aidi tomota bubuna palupaluna sida ona 'eeteteye, manuna taudi 'adi lotoona to'umalina 'enega sitatauya.”

Yude 1:20

Gosegwao, 'ilobwenemi be tapwalolo 'esasena wagiyai'i'isi, be 'enega wada giepa'alimi, be wate Yaluyaluwa Tabuna 'ina waiwaiyega wada sidasida Yaubada 'enaya,

E'ita'ita 12:11

Ta tasidao nidi ona'ai'aila yawasidi sitagwalena be Keliso manuna simwamwawasa, 'enega Seitani nina ma'edi silosaiya ga taudi siewaiwai. Ta 'idi ewaiwai Lami lalanega, ta wate 'idi simana Lami manuna 'enega.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.