Ga Yesu tai nina 'i'au'ewena ga boda 'ediyega siadumaduma taudimo, ga Yesu nima matagigina tai tenanaya 'isa'u luguyedi ga muliyega tauna nimana 'igiwalina ga tai meyana 'igitoona,
Ta Yesu tomata kebokebo nina nimanaya 'igiyaina ta 'i'au'ewena, ga 'asa nina 'enega siapwesa. 'Enega Yesu tai nina matana 'igiwalidi ta nimanega matana 'igitoodi ga 'ieonena, “Sawesawenaya to'ase 'u'itadi?”
Ga 'ieonedi, 'igwae, “'Ebweu tai 'ana esana Yesu, sepwala 'iguinuwena ga matagu 'i'e'abina, 'enega 'eguya 'igwae, ‘'Utatauya Sailoma bwasina 'ena be 'u'esiwe.’ Ta yatauya ga ya'esiwe, ga matagu 'i'esasedi.”
'Enega yaemataluwemi be 'eguyega goula 'ai'aila wada gimwane be 'enega wada eesaesa, ta wate 'oama wakewakekedi wada gimwanedi be wada 'otedi ta geya'abo mabubugewami watautauya, ta wate mulamula wada gimwane be matamiya wada sa'udi be 'enega matami sida 'esasa.