Yoni 9:24 - Loina Tabu Auwauna NT

²⁴ 'Enega wate tomata kebokebo nina sibwau limena ga sieonena, sigwae, “'Usimana palupalu 'emaya, manuna tai nina 'amwalamwalatoni 'aene tauna toto'umalina.”

Yoni 9:24 Σταυροειδείς Αναφορές

Maki 15:27

Ta wate to'ipwala 'eluwa sigie kelosedi, 'ebweu Yesu 'atainaya ta 'ebweu gegeuminaya.

Luke 15:2

'Enega Palisiyao be loina 'ana toe'itao silomugi, sigwae, “Tai gete toto'umalidi 'iegosigosiyanedi ta wate ma'enao si'e'ai.”

Luke 19:7

Gote 'ena tomotai nidi yage gete si'itena, ga silomugi, sigwae, “Mwa'adega ga Yesu 'ilugu toto'umalina 'ina anuwaya?”

Luke 7:39

'Enega Palisi nina taunamo 'ena 'inuwanuwa kwaiya 'igwae, “Tai gete, 'eguma tauna palopita, 'ida mwalatoni waine gete 'igitogitoona tauna toto'umalina.”

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Yoni 18:30

'Enega me Yudia nidi sigwae, “'Eguma tai gete nigeya toto'umalina geya'abo 'a'au'ewenama 'emuya.”

Yoni 19:6

Ta totaliyao 'idi 'inapwanao, ta wate 'idi toguinuwao, tuta nina Yesu si'itena, sibwau, sigwae, “Watutu epa'iye kelose 'enaya!” Ga Pailato 'ediya 'iona, “Taumi wada tauye be wada tutu epa'iye, manuna 'abo'agu nigeya 'ebweu 'ina loegesi yalobaloba.”

Yoni 5:23

'Enega maibo'ami wada 'amayabegu tuga nadigega 'imi 'amayaba Tamagu 'ena. Ta 'eguma yaisigedi taudi nigeya si'ama'amayabegu, taudi wate Tamagu tauna 'ietuneguma, nigeya si'ama'amayabe.

Yoni 8:46

“Ta mwa'adega, sawesawemiya be 'emiyega 'ebweu yaita 'igu bubuna to'umalina 'ida simana apwese? Nai nigeya sawesawemiya, aga? Ta 'eguma ona 'ai'ailega yaonaona 'emiya, tuwa tuga nigeya wada emisegu.

Yoni 8:49

'Enega Yesu 'inapwanao nidi 'ieonedi, 'igwae, “'Abo'agu nigeya 'ebweu yaluyaluwa bi'i 'eguya, manuna Tamagu ya'amayaba 'ai'ailina, ta 'omi esi nigeya wa'ama'amayabegu.

Yoni 9:16

Ga 'aidi Palisiyao sigwae, “Tauna toguinuwa nina nigeya Yaubada 'enega, manuna Sabate 'ana loina nigeya 'ida muliyena.” Ta 'aidi wate sigwae, “Mwa'adega be toto'umalina we'iwe'iyaya gete nadigega 'ida guinuwa'ese? Nai nigeya sawesawenaya, aga?” Gote 'ena weyala 'iapwesa be 'aidi 'idi ona dumadumadi be dumadumadi.

Yoni 9:25

Ta 'igwae, “Nigeya yamwalamwalatoni nai tauna toto'umalina nai nigeya. Ta nate namo yamwalatonina, 'aene matagu 'ikebo ga ni'atu 'igie'esasedi.”

Loma 8:3

Li'ama gete Mosese 'ina loina nigeya sawesawenaya, manuna bubuna tomota nenetana, ta esi Yaubada 'iguinuwena, manuna natu 'ai'ailina 'itagwalena ga 'imai bale'uya ga 'abo'ada toto'umalida bwalada 'i'otena, ga 'ida to'umalina manuna 'italiya ga to'umalina nina 'iewaiwai sinena,

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

E'ita'ita 11:13

Tuta nina gote 'enaya mwani'ini'i sinabwana 'iapwesa, ga 'asa nina sinabwana 'ana weyala sanau 'ediyega 'ebweu sena 'iligeina, ga tomota 'adi yau sebeni tausani simwawasa mwani'ini'i nina 'enega. Ta tomota nidi taudi situpwa simatauta 'ai'aila, 'enega Yaubada nina galewaya situpuna 'ina waiwai manuna.