Yoni 8:48 - Loina Tabu Auwauna NT

⁴⁸ Gote 'ena me Yudia 'idi 'inapwanao Yesu 'ena sigwae, “'Ima ona lowa 'ana 'ai'aila ni'atu 'iapwesa, manuna 'agwae, 'aene 'oyo 'ebweu goma Samelia, 'enega yaluyaluwa bi'i 'emuya 'ipaipaisewa.”

Yoni 8:48 Σταυροειδείς Αναφορές

Madiu 10:25

Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi, 'omi 'igu bodao 'etamo si'awato'umali wawasaemi.

Madiu 10:5

Yesu site tuwelo nidi 'iloinedi ga 'ietunedi, 'igwae, “Geya'abo taudi nigeya me Yudia 'ediya watautauya, ta wate geya'abo Samelia 'asanao 'ediya walugulugu,

Madiu 11:18

“Loesawa'i'i gete 'ana mwalatoi 'aene Yoni 'imai ga nigeya 'i'e'ai ta nigeya 'inumanuma, ta 'enega waona 'aene ‘Yaluyaluwa bi'i Yoni 'igie kabaleyena.’

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 12:31

'Enega gete yaeona 'ai'ailimi 'aene tomota 'idi loegesiyao be 'idi ona to'umalina maibo'ana Yaubada 'ida nuwataudi. Nate namo 'eguma Yaluyaluwa Tabuna si'awa to'umaliyei, geya'abo sa'i Yaubada 'inuwanuwatau.

Madiu 15:7

“Ona'ai'aila 'omi tokabokabo. Lowaenei Aisea palopita manumi 'ionaupaupa 'ai'aila, tuta nina Yaubada 'ina ona 'isimanena, 'igwae,

Yoni 1:19

Tuta gote 'enaya me Yudia 'idi toanuganao Yelusalema 'enaya simiyami, ga 'aidi totaliyao be 'aidi Libai 'ina bodao sietunedi Yoni 'enaya sabi enaidena 'aene tauna yaita.

Yoni 10:20

Ga tomota yau wawasae sigwae, “Tauna yaluyaluwa bi'i 'enaya, ga 'igiekabaleyena. Geya'abo 'ina ona wanoonodi.”

Yoni 13:13

Ta 'omi ni'atu waeesegu 'aene 'abo'agu Toe'ita, ta wate 'Inapwana, ga nate ona 'ai'aila.

Yoni 4:9

Gote 'ena waine Samelia Yesu 'ena 'iona, “'U'ita 'oyo goma Yudiayo ta 'abo'agu waine Samelia, ta to'ase manuna ga bwasi 'usidena 'eguya?” (Manuna me Yudia be me Samelia nigeya sida egosigosiyana.)

Yoni 7:20

Ga boda nidi 'ina ona sie'isena, sigwae, “Mwa'adega, yaluyaluwa bi'i debayo 'igiesakowasiyena, ga nadigega 'uona'esa? Ta yaita sana nuwanuwana be 'aene 'ida loemwawasiyo?”

Yoni 8:22

'Enega me Yudia nidi taudimo 'ediya sigwae, “'Ina ona baga wada nono, manuna 'igwae, ‘Sena nina 'ena yatautauya, 'omi nigeya sawesawemiya be 'ena wawawai.’ 'Ina ona gete 'ana mwalatoi 'aene taunamo 'ida loemwawasi, aga?”

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’

Loma 15:3

Manuna Keliso wate nadigega nigeya taunamo manuna 'inuwanuwa, ta esi 'ana mwau nidi ni'atu Buki Tabu 'ena 'isimanena, 'igwae, “Tomotai nidi taudi si'awa'awa to'umaliyemuya, 'abo'agu wate 'eguya ona nidi si'inanedi.”

Ibeliu 13:13

'Abo'ada wate tada tauya 'etauluya Yesu 'enaya, be 'ebe omayamaya tada loba tauna nadigega.

Yemesa 2:19

'Oyo 'uemisa 'aene Yaubada 'ebweuna namo tuga, aga? Ga nate bobo'ana. Ta 'unuwa'i'isi 'aene Taumudumudulele ma gosenao taudi wate 'idi emisa nadigega, ta wate ma idi matauta.