Yoni 8:46 - Loina Tabu Auwauna NT

⁴⁶ “Ta mwa'adega, sawesawemiya be 'emiyega 'ebweu yaita 'igu bubuna to'umalina 'ida simana apwese? Nai nigeya sawesawemiya, aga? Ta 'eguma ona 'ai'ailega yaonaona 'emiya, tuwa tuga nigeya wada emisegu.

Yoni 8:46 Σταυροειδείς Αναφορές

Madiu 21:25

'Igu enaida gete: Yaita 'ina loinega ga Yoni togiebapitaiso 'iguiguinuwa? Yaubada, nai 'ebweu tomota?” 'Enega taudimo 'ediya siegewagewana, sigwae, “'Ina ona mwa'adega tae'isa'ese? Manuna 'abo tagwae, ‘Yaubada 'enega’ 'iabe 'ieona limada be 'igwae, ‘Ta! To'ase sana manuna ga Yoni nigeya waemiemise?’

Maki 11:31

'Enega taudimo 'ediya siegewagewana, sigwae, “'Ina ona mwa'adega tae'isa'ese? Manuna 'abo tagwae, ‘Yaubada 'enega,’ 'iabe 'ieona limada be 'igwae, ‘Ta! To'ase sana manuna ga Yoni nigeya waemiemise?’

Yoni 14:30

“Nai geya'abo tuta dudulana yaonaona 'emiya, manuna ni'atu gabula 'ana 'inapwana to'umalina 'imeema, ta tauna nigeya 'ebweu wate 'ina waiwai 'eguya,

Yoni 15:10

'Eguma 'igu loina wamuliya 'ai'ailidi, 'igu oboboma 'ena wamiyami. Nadigega 'abo'agu Tamagu 'ina loina yamuliya 'ai'ailidi, 'enega 'abo'agu wate 'ina oboboma 'ena yamiyami.

Yoni 16:8

Ga tuta nina 'abo 'imamai, 'omi me bale'u yage 'etoi 'ida e'itami be wada mwalatonidi. Yage nidi nate guinuwa to'umalina be guinuwa bobo'ana be wate bwa'omatana.

Yoni 18:37

'Enega Pailato 'ienaidena, 'igwae, “'Aene 'oyo 'ebweu kini, aga?” Ta Yesu 'igwae, “'Oyo 'uona 'aene 'abo'agu 'ebweu kini, aga? Ta 'abo'agu tuga yatubuwa ga yamai bale'uya be 'aene yada etosimana ona palupaluna manuna, ta 'abo yaisigedi taudi ona palupaluna 'ina sena 'ena simiyami, taudi nate 'enagu 'ana tononoyao.”

Yoni 8:47

Manuna 'eguma yaita tauna Yaubada 'enega 'imai, tauna Yaubada 'ina onao 'inonodi. Ta 'omi nai nigeya Yaubada 'enega wameema, nate 'alena 'enega nigeya Yaubada 'ina ona wada nonona.”

Yoni 8:7

ta taudi tuga 'etamo sienaenaide. 'Enega Yesu 'itoolo ga 'ieonedi, 'igwae, “O, bobo'ana. 'Enega 'abo 'emiyega 'ebweu yaita nigeya 'ina to'umalinamo, nate 'oyo gulewa 'uda gimiule waine gote 'ena.”

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.