Yoni 8:29 - Loina Tabu Auwauna NT

²⁹ Ta 'agu toetune nina nigeya 'ipilipili sinegu ta esi ma'iyagu tuga, manuna tuta yauna 'igu guinuwa 'enega yagiegie gwausowali.”

Yoni 8:29 Σταυροειδείς Αναφορές

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 3:15

Ta Yesu Yoni 'ina ona 'ie'isena, 'igwae, “Nigeya. Esi gete nadigega. 'Oyo 'uda giebapitaisoegu. Manuna gete 'enega loina maibo'adi bobo'adi tada muliyedi.”

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Yoni 14:31

ta 'agu emataluwa esi Tamagu 'enega tuta yauyauna yaguiguinuwedi, be gete 'enega me bale'u sida mwalatoni 'aene Tamagu yaobobomena. “Ni'atu! Watoolo, be tatatauya.”

Yoni 15:10

'Eguma 'igu loina wamuliya 'ai'ailidi, 'igu oboboma 'ena wamiyami. Nadigega 'abo'agu Tamagu 'ina loina yamuliya 'ai'ailidi, 'enega 'abo'agu wate 'ina oboboma 'ena yamiyami.

Yoni 16:32

Ta ma'etamo tuta 'ida apwesama, nai tada gwae, ‘Ni'atu tuta 'imai saba’, be maibo'ami wada 'elelewana 'imi 'asao 'ediya, be 'abo'agu tebweugu yada miyami. Ta nigeya 'aene tebweugumo ta esi Tamagu ma'iyagu.

Yoni 17:4

“Bale'u gete 'ena 'amu esana ni'atu yagitu'eyena, manuna 'igu guinuwa nidi 'u'ebwa'eguya ni'atu yalosalonidi.

Yoni 4:34

Ta Yesu 'iona limana ga 'ediya 'igwae, “'Agu masula nate 'agu Toetune nina 'ina nuwanuwa sabi guinuwedi, be 'ina paisewa sabi losalonina.”

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Yoni 8:16

Ta 'eguma 'igu loina tomota manudi yaguiguinuwedi, gete loina palupaluna, manuna loina gete nigeya taugu 'igu loina ta esi Tamagu tauna 'ietuneguma ma'iyagu 'ima loina.

2 Timoti 4:17

Ta 'igu etala nina 'enaya Yaubada 'ilemegu ga waiwai 'i'ebwa'egu, ga tetelina maibo'ana yasimanena taudi nigeya me Yudia 'ediya, ta Yaubada 'ina lemega nigeya laiyoni 'ediya si'ebwa'ebwayaegu.

2 Timoti 4:22

'Inapwana ma'iyayo be yaluyaluwayo 'igiewaiwaiye, ta 'oyo be 'imu bodao 'ida lememi. 'Abo'agu Paulo.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.

Ibeliu 7:26

Ona'ai'aila, Yesu nina sawesawenaya be 'ietotaliya manuda, manuna tauna adelina maibo'ana bobo'ana tuga, ta nigeya nadigega toto'umalida 'abo'ada, 'enega Yaubada Yesu nina 'igilagasina, ga galewa 'ana tomiyanao 'iloetana sinedi.

1 Yoni 2:1

Ye natugwao, 'imi leta gete ya'etoladinawa be 'enega geya'abo waguiguinuwa gesi. Ta 'eguma taloegesi, Yesu Keliso tauna topalupaluna 'isisida manuda, Tamana 'enaya,

1 Yoni 3:22

be 'abo to'ase taside 'enaya 'ida 'ebwa'eda, manuna tauna 'ina loinao taematamatanedi, ta 'ida guinuwao manudi 'igwausowala.