Yoni 8:28 - Loina Tabu Auwauna NT

²⁸ 'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

Yoni 8:28 Σταυροειδείς Αναφορές

Madiu 24:5

Manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina’, be tomota yaudi sida muliyedi.

Maki 13:6

Manuna ma'etamo tomota yaudi 'agu esanega simama be 'aene sianugana gesiyemi, be 'ebweuna 'ebweuna 'ida gwae, ‘'Abo'agu To'etoseyana nina,’ be tomota yaudi sida muliyedi.

Luke 21:8

Ga Yesu 'ediya 'igwae, “Wa'ita'i'isimi 'abona nai tomota 'aidi sikaboemi, manuna ma'etamo tomota yaudi 'agu esanega simama be 'aene sianugana gesiyemi be 'ebweuna 'ebweuna 'ida gwae, ‘'Abo'agu To'etoseyana nina,’ nai 'aina wate sida gwae, ‘To'etoseyana 'ina tuta ni'atu 'iapwesama.’ Ta esi geya'abo wamulimuliyedi.

Yoni 11:42

Ni'atu yamwalatonimu 'aene tuta yauna 'igu sida 'unonodi, ta gete tugai yasidasidawa tomota getedi manudi, 'enega 'imu waiwai sida 'ita be sida emisa 'ai'aila 'aene 'oyo 'uetuneguma.”

Yoni 13:19

Ni'atu yage nidi gete 'emiya yasimanedi muliyega sida apwesa, be 'enega tuta nina siapwesa wada emisegu 'aene 'abo'agu tuga.

Yoni 16:10

Ta tauna wate bubuna palupaluna 'ida e'itami, manuna 'abo'agu ni'atu be yatatauya Tamagu 'enaya be geya'abo wate wa'ita'itagu.

Yoni 18:32

Ta ona getedi 'ina mwawasa manuna ni'atu Yesu lowa 'igimi simanedi, be 'enega tuta gete 'ida apwesa.

Yoni 19:18

Ga gote 'ena situtu epa'iyena 'ana kelose 'ena. Ta tai 'eluwa wate situtu epa'iyedi ga sietoolodi, 'ebweu 'atainega ta 'ebweu gegeuminega, ta Yesu gamwagamwanidiya.

Yoni 3:11

Yasimana palupalu 'emuya 'aene yage nidi ni'atu 'a'itedi ta 'amwalamwalatonidi 'enega 'asimasimanedi 'emiya, ta nigeya 'ima onao nidi wada emisedi.

Yoni 3:14

Nadigega tuga lowaenei tuta nina sitautauya sena mwatui daitaya, ga Mosese mwata kainumu 'enega 'iguinuwenaya ta kaiwe 'ena 'igilagasina, 'abo'agu nadigega sida gilagasigu

Yoni 4:26

Ta Yesu waine 'ieonena, “'Abo'agu To'etoseyana nina gete, yaonaonawa.”

Yoni 5:19

'Enega Yesu tomota nidi 'ieonedi, 'igwae, “Yaona 'ai'aila 'emiya, 'abo'agu nigeya sawesaweguya be taugumo yada guinuwa, ta esi 'igu guinuwa getei to'ase nadigega ya'itena Tamagu 'iguiguinuwe; 'enega yage nidi Tamagu 'iguiguinuwedi 'abo'agu wate nadigega yaguiguinuwa'esa.

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 6:38

Manuna 'abo'agu galewega yamai nigeya 'igu nuwena taugu sabi guinuwena, ta esi tauna 'ietuneguma 'ina nuwena.

Yoni 8:24

'Enega yaeonami 'aene 'imi bubuna to'umalidi 'ediyega wada mwawasa, 'abo nigeya waemiemisegu. Nate 'alena 'enega yaeonami 'aene wamwamwawasa ma imi bubuna to'umalina.

Yoni 8:27

Ta taudi tuga 'ina ona Tamana manuna nigeya sinuwanuwa sabwalena.

Yoni 8:58

Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

Guinuwa 2:41

'Enega 'asiyata nina 'ena 'aina tomota Pita 'ina ona sinonona ga sibapitaiso, ta 'adi yau nadigega 'etoi tausani,

Guinuwa 4:4

Ta sa'i 'idi loguguya pwalu nidi ni'atu sinonona ga tupwana yaudi siemisa, 'enega toemisa maibo'adi 'oloto 'adi sawasawa nadigega paibi tausani.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.