Yoni 8:17 - Loina Tabu Auwauna NT

¹⁷ Ta wate 'ida loina nidi 'eto'etoladidi 'ena sisimana 'aene 'eguma tosimana 'eluwa 'idi simana leleleya, nate simana 'ai'aila.

Yoni 8:17 Σταυροειδείς Αναφορές

Madiu 18:16

Ta 'eguma geya nuwana be 'enayo 'inonoi, tomota 'ebweuna nai 'eluwa wate 'u'ewadi be ma'emiyao tasimuna 'enaya waona be 'ina to'umalina 'ana 'ai'aila 'ida nuwasabwaleni.

Yoni 10:34

Ta Yesu wate 'ediya 'igwae, “Loina 'eto'etoladina 'imi Buki Tabu solanaya, 'igwae, ‘Ni'atu yaona 'aene 'omi yaubada nimi.’

Yoni 15:25

Ta 'idi guinuwa nidi ni'atu 'iapwesa 'ai'aila manuna Buki Tabu 'ena 'ionaupaupa saba 'igwae, ‘'Idi guitoyasa manugu nigeya 'alenamo.’

2 Kolinita 13:1

'Iabe yayausimi, nate 'etonina 'igu ayausa 'emiya. 'Eguma yaisigedi nuwanuwadi be gosedai 'ebweu 'ena sida etala, 'ilobwenena be tomota 'eluwa nai 'etoi sida simana leleleya 'ina loegesi manuna.

Galetia 3:24

'Ana 'ita 'atuwa loina nina 'i'ita'i'isida ga 'ana laba Keliso 'iapwesa, be 'ida emisa 'enaya manuna Yaubada 'i'awa bobo'aneda.

Galetia 4:21

'Omi nuwanuwami be Mosese 'ina loinao wada muliyedi, ta esi 'adi mwalatoi nigeya wamwalamwalatonidi.

Ibeliu 10:28

Lowaenei 'abo 'ebweu yaita Mosese 'ina loinao 'ile'oadi, be tosimana 'eluwa nai 'etoi 'ina bubuna sisimana apwesei, 'etamo geya'abo si'ate'atenuwa 'ole'oleye ta esi siloemwawasi namo tuga.

1 Yoni 5:9

'Eguma tomota 'idi simanao taemisedi, sawesawenaya be Yaubada 'ina simana taemise, manuna Yaubada tauna Toewaiwai, ga Natuna manuna 'isimana 'edaya.

E'ita'ita 11:3

Ta tosimana 'eluwa yaetunedi, ma 'adi 'oama 'atuwa nadigega kwabulao 'adi 'oama, be Yaubada 'ina ona sida simane 'asiyata tuwelo analedi be sikisiti nidi soladiya.”