Yoni 7:48 - Loina Tabu Auwauna NT

⁴⁸ Ta wada mwalatoni 'aene nigeya 'ebweu yaita toloinao nai Palisiyao 'emega Yesu 'aemiemise.

Yoni 7:48 Σταυροειδείς Αναφορές

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Luke 23:13

'Enega Pailato totaliya sinabwadi be 'inapwanao be 'aina me Yudia nidi 'ibwau egogonedima,

Yoni 12:42

Ta tuwa tuga me Yudia nidi 'idi toanuganao tupwana yaudi wate Yesu siemisena, ta nigeya sisimasimana apwese, manuna Palisiyao 'ediya simatauta, 'abona nai anuwa tapwaloloega sida ula apwesedi.

Yoni 3:1

Tai 'ebweu 'ana esana Nikodimo, tauna 'ebweu Palisi, ta wate me Yudia 'adi toanugana,

Yoni 7:26

Ta wa'ita, ni'atu tomota gamwagamwanidiya 'itootoolo ga 'ionaona 'ediya, ta nigeya 'ebweu yaita 'enana 'ida e'isena. Ta mwa'adega, ni'atu 'ida toanuganao si'awa 'ai'ailena 'aene tauna To'etoseyana, aga?

Yoni 7:49

Ta esi boda yaudi siemisena, manuna boda nidi nigeya Mosese 'ina loina sinuwanuwa sabwaleni, 'enega Yaubada 'adi e'isa to'umalina 'ida 'ebwa'edi.”

Yoni 7:50

Ta 'ebweu wate 'ediyega toloina 'ana esana Nikodimo, tauna lowa boiboiya 'itauya ga Yesu ma'iyana si'awagwae, gosenao 'ieonedi,

Guinuwa 6:7

'Enega Yaubada 'ina ona 'iewaiwai tomota 'ediya, ga tomuliyao 'adi boda 'isinabwa wawasae sena Yelusalema 'enaya, ta totaliyao yaudi wate ona nina sinonona, ga Yesu siemisena.

1 Kolinita 1:20

'Enega mwa'adega taudi tosinasinapuyao? nai taudi toe'itao? nai taudi tologuguyao gete tuga bale'uya simiyami? Ona'ai'aila, ni'atu Yaubada 'idi sinasinapuyao 'i'awa yage besobesoedi.

1 Kolinita 2:8

Ta bale'u gete 'ana toloinao mwalatoi nina nigeya simwalamwalatoni, ta 'eguma nai sida gimi mwalatonina, geya'abo sa'i 'ida 'Inapwana galewega sida loeloemwawasi kelose 'enaya.