Yoni 7:41 - Loina Tabu Auwauna NT

^41-42 Ta 'aidi wate sigwae, “Tauna esi To'etoseyana nina.” Ta wate 'aidi 'ediyega sigwae, “'Aene To'etoseyana nina Galiliyega 'imamai? Nigeya, aga? Manuna Buki Tabu 'ena ni'atu 'isimanena be To'etoseyana Debida 'ina susu 'enega 'imamai, be Debida 'ina 'asa Bedileema 'ena 'itutubuwa.”

Yoni 7:41 Σταυροειδείς Αναφορές

Yoni 1:41

Anidulu 'ilomanini ga tasina 'ilobena ta 'ieonena, 'igwae, “Saimoni, ni'atu Mesaiya nina 'alobena.” (Mesaiya 'ana gibui Keliso, nate 'ena Gilisi, ta 'ana mwalatoi To'etoseyana.)

Yoni 1:46

Ga Nataniela Pilipi 'ena 'igwae, “Nasaleta nigeya 'ebweu to'ase bobo'ana 'enega 'ida apwesa.” Ga Pilipi 'igwae, “Tuwa tuga, 'uda mai be tai nina 'uda 'ita.” 'Enega Yesu 'ena simai.

Yoni 1:49

Gote 'ena Nataniela nuwana 'iowana ga Yesu 'ieonena, 'igwae, “'Inapwana, 'oyo ona'ai'aila Yaubada Natuna, ta 'oyo wate me Isileli 'ima kini.”

Yoni 4:25

Ta waine Yesu 'ieonena ga 'igwae, “Ni'atu yamwalatonina 'aene ma'etamo To'etoseyana nina 'imamai, tauna sieesena Keliso, ta 'abo 'imamai, tauna mwalatoi maibo'ana 'edaya 'ida simanedi.”

Yoni 4:29

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”

Yoni 4:42

ga waine nina sieonena, sigwae, “Ni'atu 'a'awa 'ai'ailemu, nigeya 'aene 'imu ona namo manuna, ta esi 'abo'ama taumamo 'ina ona 'anonona, ga 'enega 'amwalatoi 'ai'ailina 'aene tauna To'etoseyana nina me bale'u maibo'ada manuda.”

Yoni 6:69

Ta 'abo'ama ni'atu 'aemisemu, ga 'amwalatonimu 'aene 'oyo tuga To'etoseyana niyo Yaubada 'enega.”

Yoni 7:27

Nai nigeya. Manuna tai gete maibo'ada ni'atu tamwalamwalatoni mane 'enega 'imai, ta 'eguma To'etoseyana 'imamai, geya'abo yaita 'imwalamwalatoni mane 'enega 'imai.”

Yoni 7:31

Ta esiya tomota yaudi siemisena ga sigwae, “Ona'ai'aila tai gete To'etoseyana, manuna nigeya sawesawenaya be 'ebweu wate tai 'imama be tauna 'ina guinuwa tai gete 'ina guinuwa 'ida bobo'ana sinei.”

Yoni 7:52

Ga 'inapwanao nidi Nikodimo si'ena pa'alina, sigwae, “Nai 'oyo sana goma Galili aga? Ta Buki Tabu 'usawa be 'umwalatoni 'aene nigeya 'ebweu wate palopita Galili 'enega 'imeema.”