Yoni 7:31 - Loina Tabu Auwauna NT

³¹ Ta esiya tomota yaudi siemisena ga sigwae, “Ona'ai'aila tai gete To'etoseyana, manuna nigeya sawesawenaya be 'ebweu wate tai 'imama be tauna 'ina guinuwa tai gete 'ina guinuwa 'ida bobo'ana sinei.”

Yoni 7:31 Σταυροειδείς Αναφορές

Madiu 12:23

'Enega tomota yaudi nuwadi 'iowana ga sigwae, “Tai gete To'etoseyana, Debida 'ina susuyega, nai?”

Luke 8:13

Ta atu nidi sibe'u bwa'a logulegulewana 'enaya, tomotai nidi taudi nate Yaubada 'ina ona manuna sigwausowala, ta nigeya lamudi 'ipa'apa'ala manuna 'idi emisa nigeya sinabwana, be 'abo 'ebetoo 'ediya 'iapwesa 'iabe sibebe'u.

Yoni 11:45

Gote 'ena me Yudia nidi, taudi Meli 'ana toayausao, Yesu 'ina guinuwa si'itena, ga yaudi siemisa 'ai'ailena,

Yoni 12:42

Ta tuwa tuga me Yudia nidi 'idi toanuganao tupwana yaudi wate Yesu siemisena, ta nigeya sisimasimana apwese, manuna Palisiyao 'ediya simatauta, 'abona nai anuwa tapwaloloega sida ula apwesedi.

Yoni 2:11

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 4:29

'igwae, “Wamai be tai nina wada 'ita, tauna ni'atu 'ieonegu 'igu bubuna maibo'ana manuna. Nai tauna gete To'etoseyana nina.”

Yoni 4:39

'Asa gote 'ena me Samelia yaudi Yesu siemisena, manuna waine nina 'ediya 'isimana 'aene, “Tauna 'ieonegu 'igu bubuna maibo'ana manuna.”

Yoni 6:2

Ga wate boda sinabwana Yesu simuliyena, manuna ni'atu 'ina guinuwa waiwaina tole'oasao 'ediya si'itena.

Yoni 7:26

Ta wa'ita, ni'atu tomota gamwagamwanidiya 'itootoolo ga 'ionaona 'ediya, ta nigeya 'ebweu yaita 'enana 'ida e'isena. Ta mwa'adega, ni'atu 'ida toanuganao si'awa 'ai'ailena 'aene tauna To'etoseyana, aga?

Yoni 9:16

Ga 'aidi Palisiyao sigwae, “Tauna toguinuwa nina nigeya Yaubada 'enega, manuna Sabate 'ana loina nigeya 'ida muliyena.” Ta 'aidi wate sigwae, “Mwa'adega be toto'umalina we'iwe'iyaya gete nadigega 'ida guinuwa'ese? Nai nigeya sawesawenaya, aga?” Gote 'ena weyala 'iapwesa be 'aidi 'idi ona dumadumadi be dumadumadi.

Guinuwa 8:13

Ta Saimoni wate Yaubada 'iemisena, ga 'ina bapitaiso mulinaya Pilipi ma'iyana simiyami. Ta Saimoni nina Pilipi 'ina edeededeyao be 'ina guinuwa waiwaidi 'i'itedi, ta 'enega 'inuwaowana 'ai'aila.

Yemesa 2:26

Nadigega tuga 'abo ooda nigeya yaluyaluwanamo, nate ni'atu mwawamwawasina, ta 'abo emisa nigeya guinuwa ma'iyana, emisa nina mwawamwawasina.