Yoni 7:20 - Loina Tabu Auwauna NT

²⁰ Ga boda nidi 'ina ona sie'isena, sigwae, “Mwa'adega, yaluyaluwa bi'i debayo 'igiesakowasiyena, ga nadigega 'uona'esa? Ta yaita sana nuwanuwana be 'aene 'ida loemwawasiyo?”

Yoni 7:20 Σταυροειδείς Αναφορές

Madiu 10:25

Ta esi bobo'ana 'eguma 'aene 'omi 'agu tomuliyao ta 'abo'agu taeleleleya. Manuna 'abo'agu tonianuwa, ta 'abo ni'atu sieesegu Bielisibubi, 'omi 'igu bodao 'etamo si'awato'umali wawasaemi.

Madiu 12:24

Ta sa'i Palisiyao guinuwa gete alena sinonona ga sigwae, “Nigeya, ta esi yaluyaluwa bi'i 'idi 'inapwana 'ana esana Bielisibubi 'ina waiwaiyega yaluyaluwa bi'i 'iula apwesedi.”

Madiu 9:34

Ta sa'i Palisiyao silolagata ga sigwae, “Yaluyaluwa bi'i 'idi 'inapwana 'ina waiwaiyega Yesu yaluyaluwa bi'i 'iulaula apwesedi, ta nigeya Yaubada 'ina waiwaiyega.”

Maki 3:30

Gete nadigega Yesu 'iona'esa manuna sionaona 'aene tauna 'ina waiwai yaluyaluwa bi'i 'enega.

Yoni 10:20

Ga tomota yau wawasae sigwae, “Tauna yaluyaluwa bi'i 'enaya, ga 'igiekabaleyena. Geya'abo 'ina ona wanoonodi.”

Yoni 8:48

Gote 'ena me Yudia 'idi 'inapwanao Yesu 'ena sigwae, “'Ima ona lowa 'ana 'ai'aila ni'atu 'iapwesa, manuna 'agwae, 'aene 'oyo 'ebweu goma Samelia, 'enega yaluyaluwa bi'i 'emuya 'ipaipaisewa.”

Yoni 8:49

'Enega Yesu 'inapwanao nidi 'ieonedi, 'igwae, “'Abo'agu nigeya 'ebweu yaluyaluwa bi'i 'eguya, manuna Tamagu ya'amayaba 'ai'ailina, ta 'omi esi nigeya wa'ama'amayabegu.

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’

Guinuwa 26:24

Ta Paulo gete nadigega 'iemwaemwasala ga Pesito 'ionatoila, 'igwae, “Na, Paulo kabakabaleyayo! Nai sikulu wawasae 'igiekabaleyemu.”