Yoni 7:16 - Loina Tabu Auwauna NT

¹⁶ Ta Yesu 'ilolagata ga 'ieonedi, “'Abo'agu nigeya taugu 'igu nuwena 'enega, ta esi 'agu toetune nina 'ina nuwena 'enega yae'ie'ita.

Yoni 7:16 Σταυροειδείς Αναφορές

Yoni 14:10

Nai nigeya 'uemiemisegu 'aene 'abo'agu Tamagu 'ena yamiyami, ta wate Tamagu tauna 'eguya 'imiyami, aga?” Ta Yesu wate 'ediya 'igwae, “Ona nidi ni'atu yaonaedi 'emiya nigeya 'abo'agu 'igu ona ta Tamagu esi 'enega, manuna tauna 'eguya 'imiyami, ta wate 'eguyega 'ina guinuwa 'iguiguinuwedi.

Yoni 14:24

Ta 'abo 'oyo yaita nigeya 'uobobomegu, 'igu ona wate nigeya 'uda ematamatanedi. Ta ona nidi nate wanoonodi nigeya 'eguyega, ta esi tauna 'agu toetune Yaubada 'enega.

Yoni 17:14

Ta tomota nidi 'imu ona ni'atu ya'ebwa'edi, ta esi me bale'u sietalauwaledi, manuna taudi nigeya me bale'u 'idi boda 'ena simiyami, tuga nadigega 'abo'agu wate nigeya 'idi boda 'ena yamiyami.

Yoni 17:8

Manuna ona nina 'u'ebwa'eguya ni'atu yae'itedi ta 'atediya sisa'una, 'enega simwalatoi 'ai'ailiguya 'aene 'oyo 'emuyega yamai, ta wate siemiseguya 'aene 'oyo 'uetuneguma.

Yoni 3:11

Yasimana palupalu 'emuya 'aene yage nidi ni'atu 'a'itedi ta 'amwalamwalatonidi 'enega 'asimasimanedi 'emiya, ta nigeya 'ima onao nidi wada emisedi.

Yoni 3:31

“Tai nina galewega 'imai tomota maibo'adi 'isinabwa sinedi, ta esi yaita tauna bale'uyega 'imai tauna bale'u tomotenina, 'enega bale'u gwegwenao manudi 'ionaona. Ta tai nina galewega 'imwa'utama tomota maibo'adi 'iloetana sinedi.

Yoni 5:30

“'Abo'agu nigeya sawesaweguya be taugumo guinuwa yaguinuwedi, manuna 'igu loina Yaubada tauna 'ie'itegu, 'enega 'igu loina palupaluna, manuna 'abo'agu nigeya yatootoo be 'igu nuwena taugu yaguinuwei, ta esi to'ase nadigega tauna 'ietuneguma 'ina nuwena yaguinuwei.

Yoni 6:44

Manuna Tamagu tauna 'ietuneguma be 'enega yaisigedi taudi 'abo 'ilisidi be 'eguya simama, taudi tuta 'ana 'ebe losalowa 'ena mwawasega yagietoolo limadi, ta 'abo yaisigedi taudi nigeya 'eguya 'ilisilisidima geya'abo sa'i 'eguya simeemai.

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

2 Yoni 1:9

Ta 'eguma watauya gesi be Keliso 'ina e'ita wapilisine, 'omi Yaubada wamiyamiya sine, ta esi 'eguma Keliso 'ina e'itao wagiyai 'i'isidi, Tamadai be wate Natunana 'emiya simiyami.

E'ita'ita 1:1

Buki gete 'enaya Yesu Keliso 'ina e'ita tetelina, Yaubada 'i'ebwa'ena be 'aene Yesu 'ida e'itae 'ina toguinuwao 'ediya be sida mwalatoni to'ase 'iabe 'iapwesama. Gete e'ita nina Yesu Keliso 'ina anilose 'ietunena, be 'ina 'ali'ei Yoni 'enaya 'ida simana.