Yoni 7:10 - Loina Tabu Auwauna NT

¹⁰ Ga ni'atu Yesu tasinao sipilisinena ga sitauya sagali nina 'ena, 'enega Yesu mulidiyega 'iakwaikwaiya ga sena nina 'ena 'iapwesa, ta nigeya 'ebweu yaita 'imwalamwalatoni.

Yoni 7:10 Σταυροειδείς Αναφορές

Madiu 10:16

“Wanuwa'i'isi 'aene 'abo'agu yaetuetunemi 'omi nadigega sipi panapanaisimi watautauya kedewa bosasa gamwagamwanidiya, 'enega 'ilobwenemi be wada nuwasinapu mwata 'atuwa, ta esi wada bubuna nuwana bunebune 'atuwa.

Madiu 12:46

Yesu 'etamo boda 'ediya 'ionaona ta sinana be tasinao simai ga 'atamanaya sitoolo ta si'ebe'ebesa mwa'adega be 'ena sida ona.

Madiu 3:15

Ta Yesu Yoni 'ina ona 'ie'isena, 'igwae, “Nigeya. Esi gete nadigega. 'Oyo 'uda giebapitaisoegu. Manuna gete 'enega loina maibo'adi bobo'adi tada muliyedi.”

Maki 3:21

Ta 'ina susuyao sinonona 'aene Yesu nigeya 'ida eyawai'ata, 'enega sitauya sabi 'au'ewenama, manuna sinuwena 'aene, “Ni'atu 'ikabaleya.”

Yoni 11:54

Gote 'enega Yesu nigeya me Yudia matadiya 'ida lopilidadana, 'enega 'ipilisinedi ga 'itauya mitawa tupitupinaya 'ebweu 'asa 'ana esana Epileimi 'enaya, ga nada ma ina tononoyao simiyami.

Yoni 7:3

'Enega Yesu tasinao Yesu sieonena, sigwae, “Sena gete 'upilisine be Yudia 'ena 'utatauya, be 'enega nada 'amu tomuliyao 'imu guinuwa sida 'ita.”

Yoni 7:5

Tasinao ona nina 'ena si'inanena manuna nigeya wate siemiemise.

Yoni 7:9

Ona gete ni'atu 'i'ebwa'edi ga sitauya, ta tauna tuga Galili 'ena 'imiyami.

Galetia 4:4

ta muliyega Yaubada natuna 'ina tuta bobo'ana 'ilobena, ga natuna 'ietunenama, ta sinana 'ienatunena, ga 'ietomotai 'emaya, nate 'abo'ama Mosese 'ina loinao siyoniyonima, be 'ediyega 'ida 'etoseyema, ta 'omi wate 'ida 'etoseyemi, be Yaubada maibo'ada ida 'awanatuneda.