Yoni 6:46 - Loina Tabu Auwauna NT

⁴⁶ Ta 'omi nigeya 'ebweu yaita 'emiyega Tamadai 'i'ita'ita, nate namo tebweugu, manuna 'abo'agu 'enega yamai.

Yoni 6:46 Σταυροειδείς Αναφορές

Madiu 11:27

Ta wate 'igwae, “Yage yauyauna ni'atu Tamagu nimaguya 'isa'udi, ta Tamaguna tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.

Luke 10:22

'Enega wate 'igwae, “Yage yauyauna ni'atu Tamagu nimaguya 'isa'udi, ta Tamagu tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.”

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 14:7

'Enega Yesu wate 'ediya 'igwae, “'Abo'agu ni'atu wamwalatonigu, 'enega wate Tamagu wamwalatonina. Ona'ai'aila, Tamagu ni'atu wamwalatonina, ta wate wa'itena.”

Yoni 15:24

Ta 'abo lowa nigeya guinuwa nidi waiwaidi matadiya yaguiguinuwedi, geya'abo 'idi loegesi 'imiyami. Ta sa'i ni'atu yaguinuwedi guinuwa nidi, nate nigeya 'ebweu yaita sawesawenaya be 'iguinuwedi, ga si'itedi, ta tuwa tuga Tamagu be 'abo'agu siguitoyasema.

Yoni 5:37

Ta Tamagu wate tauna 'isimanegu, ta 'omi nigeya 'ebweu tuta 'enana wada nonona, nai maninina wada 'itena,

Yoni 7:29

Ta 'abo'agu yamwalatonina, manuna tauna 'ietuneguma ga 'enega yamai.”

Yoni 8:19

'Enega sienaidena, sigwae, “Mwa'o Tamayo?” Ga Yesu 'igwae, “Nigeya wamwalamwalatonigu, ta Tamagu wate nigeya wamwalamwalatoni. Ta 'omi 'eguma wamwalatonigu, 'enega Tamagu wate wamwalatoni.”

Yoni 8:55

'Omi nigeya Yaubada wamwalamwalatoni, ta esi 'abo'agu yamwalatonina. Manuna 'eguma yagwae, ‘Nigeya yamwalamwalatoni’, nate kabo tuga, nadigega 'omi 'imi kabo. Ta esi yamwalatonina, 'enega 'ina ona yaematamatanena.

Kolose 1:15

'Abo'ada nigeya sawesawenaya Yaubada ta'ita, ta esi 'ana 'ita tuga Natunana nadigega, ta Yaubada 'ina mweluluwa maibo'adi Natunana 'iloetana sinedi,

1 Timoti 6:16

Yaubada namo miyamiya atayana, ta nigeya 'ebweu wate yaita nadigega. Ta 'ina sena nigeya sawesawenaya ta'ita, manuna maedana wawasae, be nigeya sawesawenaya Yaubada nina ta'ita, ta 'ina esaesa be 'ina waiwai geya'abo sigumwagumwala. Eimeni.

1 Yoni 4:12

Nigeya 'ebweu tuta me bale'u Yaubada sida 'itena, ta 'abo'ada esi 'ida eoboobobomega tauda 'ebweuna 'ebweuna 'enaya nate 'enega Yaubada nina ma'edai, ta wate 'ina oboboma 'ai'aila 'atedaya 'imiyami.