Yoni 6:45 - Loina Tabu Auwauna NT

⁴⁵ Ona gete ni'atu lowa palopita si'etoladina Buki Tabu 'ena, sigwae, ‘Tomota yauyaudi Yaubada 'enega 'adi e'ita sida loba,’ be 'enega yaisigedi taudi Tamagu 'ina e'ita sinono be sisinapui, taudi 'eguya simama.

Yoni 6:45 Σταυροειδείς Αναφορές

Madiu 11:27

Ta wate 'igwae, “Yage yauyauna ni'atu Tamagu nimaguya 'isa'udi, ta Tamaguna tebweuna 'imwalatonigu, ta 'abo'agu wate Tamagu tebweugu yamwalatonina, ta wate yaisigedi taudi 'abo nuwanuwagu be Tamagu yae'itae 'ediya, taudi wate sida mwalatoni.

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Maki 1:2

Lowaenei palopita Aisea Yesu manuna 'i'etoladina, ga Yaubada 'ina ona 'isimanena, 'igwae: “Gete 'igu toepilialeale yaetune be 'inugana be manuyo 'eda 'ikakali,

Luke 1:70

Lowaenei palopitao nuganuganidi Yaubada 'ina ona gete nadigega sigimi simanena

Luke 18:31

Yesu site tuwelo nidi 'ibwau egogonedi ga 'iailedi ma'alenaya ga 'ieonedi, “Gete tuga tatu'etu'e Yelusalema be yage nina maibo'ana palopitao lowaenei si'etoladina 'abo'agu Tomota Natuna manugu 'iabe siapwesa be wa'itadi.

Yoni 10:27

Ta 'abo'agu 'igu sipiyao 'enagu sinonona, ta taudi wate yamwalatonidi ga 'enega simulimuliyegu,

Yoni 6:37

Tomota nidi taudi Tamagu 'i'ebwa'egu ma'etamo 'eguya simama be geya'abo sa'i yae'idi'idiyedi.

Yoni 6:65

Ga wate 'ieonedi, 'igwae, “Gete manuna lowa yagimi eonemi 'aene nigeya sawesawemiya be 'eguya wamama, 'abo Tamagu nigeya 'itagwatagwala.”

Guinuwa 13:40

“'Enega wada 'ita'i'isimi be ona nina palopitao lowa manuna sionaona upaupa, geya'abo 'omi 'iloo'awasimi. Ona nina 'igwae,

Guinuwa 7:42

“'Enega Yaubada 'iguitoyasedi be 'aene taudimo 'idi nuwanuwa sida guinuwe, nate kwadimao galewaya 'ediya sida bwagobwago, nadigega palopitao 'idi buki solanaya Yaubada 'ina ona 'imiyami, 'igwae, ‘'Omi me Isileli yakwala poti sena mwatui daitaya wamiyami, yobaiyao waunudi ta nigeya 'eguya wada taliyaedi.

Epeso 1:17

Ta 'igu sidasida manumi 'aene 'ida 'Inapwana Yesu Keliso 'ina Yaubada, tauna Tamada ta Toesaesa sinabwana, 'ida gienuwa sabwalenimi, be tauna wada mwalatoi 'ai'aili,

Pilipai 3:15

'Enega maibo'ada gete nadigega tada nuwanuwa leleleya, 'abo 'ida nuwanuwa ni'atu simatuwa. Be wate 'eguma to'ase manuna 'imi nuwanuwa dumadumana, yage nina 'alena Yaubada wate ma'etamo 'ida e'ita 'emiya.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

Ibeliu 10:16

'igwae, “Ma'etamo loina auwauna ya'ebwa'edi be 'adi loina nidi nuwadiya yasa'udi be 'atediya ya'etoladidi.”

1 Yoni 2:27

Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.