Yoni 6:44 - Loina Tabu Auwauna NT

⁴⁴ Manuna Tamagu tauna 'ietuneguma be 'enega yaisigedi taudi 'abo 'ilisidi be 'eguya simama, taudi tuta 'ana 'ebe losalowa 'ena mwawasega yagietoolo limadi, ta 'abo yaisigedi taudi nigeya 'eguya 'ilisilisidima geya'abo sa'i 'eguya simeemai.

Yoni 6:44 Σταυροειδείς Αναφορές

Madiu 12:34

“'Omi sa'i mwata natunao, 'enega nigeya sawesawenaya be ona bobo'adi wa'inanadi, manuna maibo'ami toto'umalimi, ta wate 'imi nuwanuwao to'ase nadigega 'atemiya simiyami, tuta yauyauna 'awamiyega siapweapwesa.

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Yoni 12:32

Ta 'abo'agu 'abo bale'uyega sigitu'eyegu kaiwe 'enaya, tomota maibo'adi yalisidima be 'eguya simamai.”

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Yoni 6:43

Ga Yesu 'ieonedi, 'igwae, “Geya'abo taumimo 'emiya manugu walomulomugi.

Yoni 6:45

Ona gete ni'atu lowa palopita si'etoladina Buki Tabu 'ena, sigwae, ‘Tomota yauyaudi Yaubada 'enega 'adi e'ita sida loba,’ be 'enega yaisigedi taudi Tamagu 'ina e'ita sinono be sisinapui, taudi 'eguya simama.

Yoni 6:65

Ga wate 'ieonedi, 'igwae, “Gete manuna lowa yagimi eonemi 'aene nigeya sawesawemiya be 'eguya wamama, 'abo Tamagu nigeya 'itagwatagwala.”

Yoni 8:43

To'ase manuna 'igu ona 'emiya nigeya wada nuwasabwalenidi? Nate manuna nigeya 'igu simana wada enono 'ai'ailina.

Pilipai 1:29

Manuna Yaubada ni'atu 'itagwala 'emiya be Keliso 'ena waemiemisa, be tauna wate manuna wada 'elouya,

Kolose 2:12

'Enega wate Keliso ma'emiya bapitaiso walobena, 'atuwa sisa'u 'ali'aliyemi, ta wate Keliso ma'emiya 'imi bapitaisoega watoolo limana, manuna Yaubada 'ina waiwai waemisena 'aene Keliso mwawasega 'igietoolo limena.