Yoni 6:26 - Loina Tabu Auwauna NT

²⁶ Ga tomota 'ediya 'igwae, “Yaona 'ai'aila, 'omi nigeya wa'ebe'ebesegu we'iwe'iyaya manudi, ta esi 'imi 'ebesa 'alena manuna beledi nidi wa'enidiya ga gamwami 'ipawa.

Yoni 6:26 Σταυροειδείς Αναφορές

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Yoni 6:14

Tuta nina gote 'enaya tomota nidi 'ina guinuwa waiwaina 'ana we'iwe'iyaya si'itena ga sigwae, “Gete palopita nina siona upaupaena 'aene bale'uya 'ida ma.”

Yoni 6:15

Ga gote 'ena Yesu tomota 'imwalatonidi 'aene tuta gidalina 'enaya be sigiyai be 'ediya 'ida ekini. Ta Yesu geya nuwana, 'enega taunamo 'itauya ga 'iila 'oyaya.

Yoni 6:2

Ga wate boda sinabwana Yesu simuliyena, manuna ni'atu 'ina guinuwa waiwaina tole'oasao 'ediya si'itena.

Yoni 6:24

Ga gote 'ena tomota maibo'adi Yesu ma ina tononoyao si'ebesa yogenedi, 'enega tomota nidi waga 'ediya sigelu ga siabala Kapaneumi be Yesu si'ebese.

Yoni 6:30

Ga sieonena, “To we'iwe'iyaya 'uda guinuwe be 'enega 'ada emiseyo?

Yoni 6:36

Ni'atu yaeonemi 'aene wa'iteguya, ta tuwa tuga nigeya wada emisegu.

Yoni 6:47

“Yaona 'ai'aila 'emiya 'aene yaisigedi taudi siemisegu yawasidi ataya siloba.

Yoni 6:53

'Enega Yesu 'ieonedi, 'igwae, “Yaona 'ai'aila 'emiya, 'abo'agu Tomota Natuna, ta 'eguma bwalagu geya'abo wae'ani ta wate 'eguma lalagu geya'abo wanumanumai, geya'abo sa'i yawasimi ataya wa'ewa'ewa.

Yoni 6:64

Ta tuwa tuga 'aimi nigeya waemiemisegu.” Yesu ona gete 'i'inanedi manuna 'igimi mwalatonina yaisigedi taudi nigeya siemiemise ta wate 'imwalatonina yaita 'ana tosipupu nina.

Loma 16:18

'Abo yaisigedi taudi 'idi guinuwa gete nadigega, taudi nigeya 'ida 'Inapwana Keliso manuna sida guinuwa, ta esi taudimo 'idi nuwanuwao tuga siguiguinuwedi, manuna 'idi ona dibidibi 'ediyega tomota taudi nigeya pa'alidi sikabokaboedi, ta silisilisi iledi.

Pilipai 2:21

ta 'agu tolemao yaudi taudimo manudi sinuwanuwa, ta nigeya Yesu Keliso 'ina guinuwa manuna sida nuwanuwa.

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

1 Timoti 6:5

'Enega gosediyao ma'ediyao siegewagewana, ta 'idi nuwanuwa geyogeyoi manuna e'ita 'ai'aila geya'abo simwalamwalatoni, ta esi sinuwena 'aene Yaubada 'ana 'amayaba 'enega esaesa bale'u sinabwana siloba.