Yoni 6:2 - Loina Tabu Auwauna NT

² Ga wate boda sinabwana Yesu simuliyena, manuna ni'atu 'ina guinuwa waiwaina tole'oasao 'ediya si'itena.

Yoni 6:2 Σταυροειδείς Αναφορές

Madiu 12:15

Ta 'idi loinakwaiya nina Yesu ni'atu 'imwalatonina, 'enega sena gote 'ipilisinena ga 'itauya mali senaya, ta tomota yaudi simuliyena, ga gote 'ena tole'oasa maibo'adi 'igiebobo'anedi,

Madiu 13:2

'Enega boda sinabwana siegogonama 'enaya, ga 'ebweu waga 'idoedoe 'enaya 'igelu ga 'imiyatowa, ta pwalu le'awaya sitootoolo.

Madiu 14:14

Ta tuta nina Yesu wagega 'isuya dabalaya pwalu sinabwana 'i'itedi, ga 'ina nuwa'ole'oleyega tole'oasao 'igiebobo'anedi.

Madiu 8:1

'Enega 'oyega 'imwa'utama ga boda sinabwana simuliyena.

Maki 1:45

Ta tolepelo nina nigeya Yesu 'ina loina 'iematamatane, ta tomota yaudi 'ediya 'iesimasimana. 'Enega Yesu nigeya sawesawenaya 'ia'ata'atamana 'asa nidi soladiya, ta 'enega 'itauya sena mwatui daitaya ga nada 'imiyamiya, ta tomota sena yaudi 'ediyega sitauya 'enaya.

Maki 6:33

Ta pwalu nidi Yesu ma ina tononoyao 'idi gelu si'itena ga si'inanedi, 'enega taudi be 'asa yaudi 'adi tomiyanao wate ma'ediyao 'edega sipili ga sigimiapwesa sena gote 'enaya.

Yoni 11:47

'Enega Palisiyao nidi be totaliyao 'idi 'inapwanao be wate toloinao maibo'adi siegogona, ga sigwae, “Tai nina to'ase 'ena tada guinuwe? Manuna guinuwa waiwaidi 'iguiguinuwedi.

Yoni 12:18

Gote 'enega me Yudia yaudi Yesu 'ina paisewa waiwaina alena sinonona, 'enega simai sabi aesotana tuta nina 'ina lugu Yelusalema 'enaya.

Yoni 12:37

Ta Yesu ni'atu we'iwe'iyaya yaudi 'ie'ita 'ediya, ta tuwa tuga nigeya siemiemise.

Yoni 2:11

Gete 'ena Yesu 'ina paisewa waiwaina nuganuganina, 'ana we'iwe'iyaya 'igieapwesena 'asa Kena 'enaya, Galili senanaya, ga 'ina waiwai 'ie'itaena tomota 'ediya, ta 'ina tononoyao tauna siemisena.

Yoni 2:23

Tuta nina Yesu Ataona Sagalina solanaya 'imiyami ga tomota yaudi Yesu 'ina guinuwa waiwaina si'itena, 'enega siemisena 'aene tauna To'etoseyana.

Yoni 20:30

Yesu ni'atu we'iwe'iyaya yaudi 'iguinuwedi 'ana tomuliyao matadiya. Maibo'adi nigeya ya'eto'etoladidi buki gete 'ena,

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 6:14

Tuta nina gote 'enaya tomota nidi 'ina guinuwa waiwaina 'ana we'iwe'iyaya si'itena ga sigwae, “Gete palopita nina siona upaupaena 'aene bale'uya 'ida ma.”

Yoni 6:22

Ga mali 'asiyataya boda nidi Galili olana mali esenaya simiyami simwalatonina 'aene 'asiyata nina 'igumwala 'ena Yesu ma ina tononoyao 'idi waga 'ebweu namo sigeluna, ta tononoyao dimo ni'atu sigelu ga sitauya, ta Yesu nigeya ma'ediya.

Yoni 6:26

Ga tomota 'ediya 'igwae, “Yaona 'ai'aila, 'omi nigeya wa'ebe'ebesegu we'iwe'iyaya manudi, ta esi 'imi 'ebesa 'alena manuna beledi nidi wa'enidiya ga gamwami 'ipawa.

Yoni 6:30

Ga sieonena, “To we'iwe'iyaya 'uda guinuwe be 'enega 'ada emiseyo?