Yoni 5:41 - Loina Tabu Auwauna NT

⁴¹ “'Abo'agu nigeya yanuwanuwa taugu 'agu tupu tomota 'ediyega manuna.

Yoni 5:41 Σταυροειδείς Αναφορές

Yoni 12:43

Taudi tomotai nidi nuwanuwadi 'adi 'awabobo'ana tomota 'ediyega, ta 'awabobo'ana Yaubada 'enega geya nuwadi.

Yoni 5:34

Ta Yesu wate 'ediya 'igwae, “'Abo'agu nigeya tomota 'idi simana manuna yanuwanuwa, ta ona gete yasimanena Yoni manuna, be 'aene wada nuwa sabwalena be 'etoseyana wada loba.

Yoni 5:40

Ga 'enega geya nuwami be yawasimi ataya manuna wamama 'eguya.

Yoni 5:42

Ta 'omi ni'atu yamwalamwalatonimi 'aene nigeya 'ebweu Yaubada 'ana oboboma 'atemiya 'imiyami.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Yoni 6:15

Ga gote 'ena Yesu tomota 'imwalatonidi 'aene tuta gidalina 'enaya be sigiyai be 'ediya 'ida ekini. Ta Yesu geya nuwana, 'enega taunamo 'itauya ga 'iila 'oyaya.

Yoni 7:18

Ta 'omi 'imi bubuna 'aene 'eguma yaita tauna 'ina nuwena 'enega 'ie'ita, tauna tuga taunamo 'ana esana manuna 'ietaetapewa. Ta 'abo'agu esi nigeya nadigega 'omi, manuna 'abo'agu nuwanuwagu be 'agu toetune 'ana esana yada giesinabwa, manuna 'igu bubuna palupaluna ta nigeya 'ebweu wate 'igu to'umalinamo.

Yoni 8:50

'Abo'agu nigeya taugu 'agu esana yagitugitu'eye, ta esi 'ebweuna toloina tauna 'agu esana 'ana togitu'e 'imiyami.

Yoni 8:54

Ga Yesu 'ediya 'igwae, “'Eguma 'abo'agu taugu yatupugu, 'agu tupu nina yage besobeso tuga, ta Tamagu tauna 'agu totupu nina, tauna waona 'aene 'imi Yaubada.

1 Tesalonaika 2:6

Ta wate yage nidi 'aguiguinuwedi matamiya ta wate mali tomota matadiya nigeya tauma 'ama tupu manuna, ta esi 'omi 'ami lema manuna. Ona'ai'aila, 'abo'ama Keliso 'ana tosimanao, 'enega 'ilobwenema be 'aetoloina 'emiya, ta nigeya.

1 Pita 2:21

Ta ni'atu 'eda gete manuna Yaubada 'ibwauyeda, manuna Keliso tauna manuda 'i'elouya, ga 'ebe e'ita 'isa'una 'edaya be 'aene 'ae iyaena tada muliyedi.

2 Pita 1:17

Ta tuta nina lowa ma'emai 'oyaya 'amiyami Yaubada 'enana galewega 'anonona 'igwae, “Gete Natu'ai'ailigu, tauna manuna yagwausowala sinabwana.” Ta 'enana nina Tamana 'ina sena 'esasena galewega 'imai, ga 'oya nina debanaya Yaubada tupu ta esaesa maemaedanina Natuna 'i'ebwa'ena.