Yoni 5:37 - Loina Tabu Auwauna NT

³⁷ Ta Tamagu wate tauna 'isimanegu, ta 'omi nigeya 'ebweu tuta 'enana wada nonona, nai maninina wada 'itena,

Yoni 5:37 Σταυροειδείς Αναφορές

Madiu 17:5

Pita 'ina ona ma'etamo nigeya 'ilosalosaloni ta pwana maedanina 'italaekabobodi, ta pwana 'enega 'enana 'ebweu sinonona, 'igwae, “Gete natugu bobo'ai'ailina, tauna manuna yagwausowala sinabwana, 'enega 'ina onao wada nonodi.”

Madiu 3:17

Ta sa'i 'ebweu 'enana galewega 'ionama 'igwae, “Nate natu'ai'ailigu. Tauna manuna yagwausowala sinabwana.”

Maki 1:11

'Enega 'ebweu 'enana galewega 'ionama 'igwae, “'Oyo natu'ai'ailigu, manuyo yagwausowala sinabwana.”

Luke 24:27

'Enega 'ie'ale be 'ediya 'ili'ama to'ase nadigega Buki Tabu 'ina simana To'etoseyana nina manuna. Mosese be palopitao 'idi bukiyao 'ediyega 'ie'ale ga Buki Tabu maibo'ana 'iloegumwalina, be 'enega mwalatoi sida loba.

Luke 3:22

ta Yaluyaluwa Tabuna, maoona 'ana 'ita nadigega bunebune, 'imwa'uta Yesu 'enaya. 'Enega 'ebweu 'enana galewega 'ionama, 'igwae, “'Oyo natu'ai'ailigu, manuyo yagwausowala sinabwana.”

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 14:9

'Enega Yesu Pilipi 'ena 'igwae, “Ni'atu tuta dudulana 'abo'agu ma'emi tamiyami, ta tuga nigeya 'umwalamwalatonigu. Ta yaisigedi 'omi ni'atu wa'iteguya, 'omi wate Tamagu ni'atu wa'itena ga wamwalatonina. 'Enega to'ase manuna 'ugwae 'aene ‘Tamamuna 'uda e'itama’?

Yoni 15:24

Ta 'abo lowa nigeya guinuwa nidi waiwaidi matadiya yaguiguinuwedi, geya'abo 'idi loegesi 'imiyami. Ta sa'i ni'atu yaguinuwedi guinuwa nidi, nate nigeya 'ebweu yaita sawesawenaya be 'iguinuwedi, ga si'itedi, ta tuwa tuga Tamagu be 'abo'agu siguitoyasema.

Yoni 5:32

Ta esi mali tomota tauna manugu ni'atu 'ietosimana, ga yamwalatonina to'ase nadigega 'ina simana manugu nate ona 'ai'aila.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Yoni 8:18

Nadigega tuga 'abo'agu taugu manugu yaonaona, ta wate Tamagu tauna 'ietuneguma manugu 'isimasimana.”

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

1 Timoti 6:16

Yaubada namo miyamiya atayana, ta nigeya 'ebweu wate yaita nadigega. Ta 'ina sena nigeya sawesawenaya ta'ita, manuna maedana wawasae, be nigeya sawesawenaya Yaubada nina ta'ita, ta 'ina esaesa be 'ina waiwai geya'abo sigumwagumwala. Eimeni.

1 Yoni 4:12

Nigeya 'ebweu tuta me bale'u Yaubada sida 'itena, ta 'abo'ada esi 'ida eoboobobomega tauda 'ebweuna 'ebweuna 'enaya nate 'enega Yaubada nina ma'edai, ta wate 'ina oboboma 'ai'aila 'atedaya 'imiyami.

1 Yoni 4:20

'Eguma yaita 'igwae, “Yaubada yaobobomena,” ta 'abo tai nina tasina 'ietalauwale, tauna tokabo, manuna tasidai ta'ita'ita, 'enega 'abo tasidai nigeya taoboobobome, nigeya sawesawedaya be Yaubada taobobome, tauna nigeya tada 'itena.

1 Yoni 5:9

'Eguma tomota 'idi simanao taemisedi, sawesawenaya be Yaubada 'ina simana taemise, manuna Yaubada tauna Toewaiwai, ga Natuna manuna 'isimana 'edaya.