Yoni 5:34 - Loina Tabu Auwauna NT

³⁴ Ta Yesu wate 'ediya 'igwae, “'Abo'agu nigeya tomota 'idi simana manuna yanuwanuwa, ta ona gete yasimanena Yoni manuna, be 'aene wada nuwa sabwalena be 'etoseyana wada loba.

Yoni 5:34 Σταυροειδείς Αναφορές

Luke 13:34

“Yelusalema ye, mwa'adega ga palopitao 'uloemwawasidi, ta wate Yaubada 'ina toepilialealeyao gulewega 'uloibweibwedi? Tuta yauna nuwanuwagu be 'imu tomotaiyao yabwau egogonedima 'atuwa kakaleko natunao papenega 'i'aubodebodedi, ta sa'i siguitoyasegu!

Luke 19:10

Ona'ai'aila 'abo'agu Tomota Natuna, ta yamai be kwanikwanidi yada 'ebesedi be ya'etoseyedi, nadigega tai gete.”

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 5:32

Ta esi mali tomota tauna manugu ni'atu 'ietosimana, ga yamwalatonina to'ase nadigega 'ina simana manugu nate ona 'ai'aila.

Yoni 5:41

“'Abo'agu nigeya yanuwanuwa taugu 'agu tupu tomota 'ediyega manuna.

Yoni 8:54

Ga Yesu 'ediya 'igwae, “'Eguma 'abo'agu taugu yatupugu, 'agu tupu nina yage besobeso tuga, ta Tamagu tauna 'agu totupu nina, tauna waona 'aene 'imi Yaubada.

Loma 10:1

Ta gosegwao, ona'ai'aila 'igu bodao nidi manudi yanuwanuwa sinabwana be 'aene 'etoseyana sida loba, 'enega tuta yauna manudi yasidasida waiwai Yaubada 'ena.

Loma 10:21

Ta wate 'ina ona pa'alina me Isileli manudi 'igwae, “Tuta maibo'ana 'ediya yabwaubwau be 'aene sida mai 'eguya, ta esi siguitoyasegu, manuna taudi tuga adelidi tologwautoyasa.”

Loma 12:21

'Enega geya'abo to'umalina watagwatagwale be 'emiya 'iewaiwai, ta 'omi esi wada ewaiwaisine 'imi bubuna bobo'ana 'ediyega.

Loma 3:3

Ta mwa'adega, 'abo 'aidi ni'atu Yaubada siguitoyasena, wanuwena 'aene Yaubada wate 'ida guitoyaseda aga?

1 Kolinita 9:22

Ta wate 'abo taudi 'idi emisa nenetana ma'egwao 'amiyami, yabubuna taudi nadigega be 'aene yalemedi. 'Enega tomota maibo'adi ma'egwao manudi yatoo waiwai be yapanaitedi be 'enega 'aidi 'ediyega 'etoseyana sida loba Keliso 'enega.

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

1 Yoni 5:9

'Eguma tomota 'idi simanao taemisedi, sawesawenaya be Yaubada 'ina simana taemise, manuna Yaubada tauna Toewaiwai, ga Natuna manuna 'isimana 'edaya.