Yoni 4:6 - Loina Tabu Auwauna NT

⁶ Sena nina 'enaya 'ebweu bwasi gaula 'imiyami, tauna Yekobe 'iguinuwena, ta Yesu 'itauya ga 'asuoleoleya sena nina 'ena 'iapwesa, ga ni'atu 'ilo'ame'ame, 'enega 'imiyatowa sabi eyawai'ata.

Yoni 4:6 Σταυροειδείς Αναφορές

Madiu 27:45

'Asuoleoleyega ga 'asuinuwanuwaya 'asa maibo'ana 'iguguyoi,

Madiu 4:2

Ga 'asiyata poti solanaya nigeya 'i'e'ai, ga 'enega 'ibotana sinabwana.

Madiu 8:24

ga tuta nina siabaabala mali esenaya ta Yesu waga 'awa'awainaya 'i'eno mwataya, ta muliyega wediliya sinabwana 'itowama ga lisu 'isiwasiwa taonama wagaya ga selabenaya be sidadamana.

Luke 2:7

'enega gwama nina 'oama 'ediyega 'iwaduna ga yobai 'idi 'ebe 'e'ai 'enaya 'isa'una. Manuna anuwa 'owaga ni'atu 'imaa, 'enega nigeya 'ebweu wate mwatui manudi be 'ena silulugu.

Luke 9:58

'Enega Yesu tai nina 'ieonena, 'igwae, “Kedewa bomitawa ma idi gaula ta wate manuwa ma idi newa, ta 'abo'agu Tomota Natuna nigeya 'igu 'ebe 'enomo.”

Yoni 11:9

Ta Yesu 'ediya 'igwae, “'Asiyata 'ana maibo'ana 'ena nate gonegonega be 'ana laba 'asuinuwanuwa. 'Enega 'eguma yaita 'asiyataya 'itatauya geya'abo 'ieseesetupe, manuna ni'atu bale'u 'ana maedana 'imiyami,

Yoni 4:12

'Aene 'oyo tubuda Yekobe 'uloetana sinena? Tauna Yekobe nina 'ama bwasi gaula gete lowaenei 'iguinuwena ga manatunao be 'idi yobaiyao bwasi nina 'idi 'ebe numa.”

Yoni 4:5

ta Samelia 'asana 'ebweu 'ana esana Saika 'ena 'iapwesa. Saika 'enega be bwa'a nina lowa Yekobe natuna Yosepa 'i'ebwa'ena nigeya 'edasola.

Yoni 4:7

Tuta gidalina 'enaya 'ebweu waine Samelia 'imai sabi gobwasi, ga Yesu waine nina 'i'itena ga 'ena 'isida, 'igwae, “Waine, bwasi 'uda 'ebwa'egu be yada numa.”

2 Kolinita 8:9

'Omi 'ida 'Inapwana Yesu Keliso 'ina oboboma wamwalatonina, tauna 'ina esaesa sinabwana 'ipilisinena ga 'iegomabeso sabi 'etoseyemi, be 'aene 'ina egomabeso 'enega 'omi wada eesaesa.

Ibeliu 2:17

'Enega Yesu 'ietomotai 'abo'ada tasinao nadigega, ga 'ietotaliya sinabwana ma ina 'atenuwa'ole'ole manuda, ga Yaubada 'ina guinuwa 'ena 'ietapewa, ta 'italiya 'ida bubuna to'umalidi manudi be 'aene Yaubada 'ida nuwataudi.

Ibeliu 4:15

'Aidi totaliyao nigeya si'ate'atenuwa 'ole'oleyeda 'ida nenetao manudi, ta Yesu esi 'ida miyamwau 'inuwa sabwalenidi ta 'i'atenuwa 'ole'oleyeda, manuna lowa bale'uya Seitani 'ina 'ebetoo maibo'ana 'ilobedi nadigega 'abo'ada talobaloba 'esedi, ta Yesu nigeya 'ebweu wate 'iloeloegesi.