Yoni 3:5 - Loina Tabu Auwauna NT

⁵ Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Yoni 3:5 Σταυροειδείς Αναφορές

Madiu 18:3

ta 'ieonedi, “Yaona'ai'aila yaisigedi 'omi 'eguma 'imi nuwamwa'uta gwama gete nadigega, 'omi toloetana Yaubada 'ina loina solanaya, ta 'abo nigeya wanuwanuwa'ebuni be gogama gidalidi nadigega, geya'abo sa'i walugulugu 'ina 'ebeloina 'enaya.

Madiu 19:24

Ta wate yaeonami 'aene yobai kameli 'ina lugu siyaluma 'ana lobwalena 'enega mwauna, ta esi toesaesao 'idi lugu Yaubada 'ina 'ebeloina 'enaya mwau wawasae.”

Madiu 21:31

'Enega siteluwa nidi getedi 'ediyega yaita tamana 'ina ona 'imuliyena?” Ta sigwae, “Tomatuwa.” 'Enega Yesu 'ieonedi, 'igwae, “O, ona'ai'aila toto'umalidi taudi takisi 'ana to'ewao be tosogalao wate nadigega sida gimilugu Yaubada 'ina 'ebeloina 'enaya, ta 'omi mulidiyega.

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Madiu 3:11

“'Eguma wanuwa'ebuni 'abo'agu bwasiyega yada giebapitaisoemi, ta sa'i ma'etamo 'ebweu tai muliguyega 'imeemai, tauna 'isinabwa sinegu, ta nigeya 'ilobwelobwenegu be manuna 'ana 'aelawa ya'aali. Ta tai nina 'iabe 'imama be Yaluyaluwa Tabuna, nadigega 'awesabelulu, 'enega 'ida giebapitaisoemi.

Madiu 5:20

Wate yaeonami 'aene 'ilobwenemi be 'imi bubuna taudi Palisiyao be loina 'ana toe'itao 'idi bubuna 'ida bobo'ana sinedi. Ta 'eguma nigeya, geya'abo Yaubada 'ina 'ebeloina 'ena walugulugu.

Maki 10:14

Ta Yesu 'ina tononoyao 'i'itedi ga 'ienapa'aledi, 'igwae, “Geya'abo gogama wa'eto'etobodedi, ta esi wada tagwaledi be 'eguya sida mai, manuna gogama getedi nadigega Yaubada 'ina 'ebeloina 'ilobwene 'ai'ailidi.

Maki 16:16

'Enega yaisigedi siemisegu wada giebapitaiseodi, be 'etoseyana sida loba, ta 'abo yaisigedi nigeya siemiemisa ma'etamo loina to'umalina siloba.

Maki 9:47

“Matayo wate nadigega, 'eguma 'igie be'uyeyo 'u'iwa yaule tuga, manuna nigeya 'ebweu wate 'ana to'umalinamo 'eguma mamata 'ebwe'ebweuyo ta Yaubada 'ina 'ebe loina 'uloba. Ta esi to'umali wawasae 'emuya 'eguma mamata luwaluwayo siula mwa'uteyo 'asagabugabu 'enaya.

Luke 13:24

“O nadigega, ta esi wada toowaiwai be walulugu 'awa nina gidalina 'enega. Manuna yaudi sitoo be 'aene silulugu ta siso'iyoge.

Luke 13:3

“Ta 'omi wate ma'etamo wamwamwawasa 'atuwa taudi nadigega, 'abo 'imi bubuna to'umalina 'ediyega nigeya wanuwanuwa 'ebuni.

Luke 13:5

Nigeya sa'i! Ta esi 'omi 'abo nigeya 'imi bubunao 'ediyega wanuwanuwa 'ebuni, ma'etamo wamwamwawasa site eitini nidi nadigega.”

Yoni 1:13

'Enega tomota getedi tada eesedi 'aene taudi ni'atu situbuwa limana, ta tubuwa limana nina nigeya nadigega tomota laladi nai 'idi nuwanuwa 'enega, ta esi tubuwa limana nina Yaubada 'enega.

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Yoni 3:4

Ta Nikodimo Yesu 'ienaidena, 'igwae, “Mwa'adega 'abo'agu tai sinabwagu be 'aene yada tubuwa limana? Ona'ai'aila nigeya sawesawenaya be sinagu gamwanaya yalulugu be yatubuwa limana.”

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 8:2

Yesu Keliso ma'edai, 'enega Yaubada yaluyaluwanega to'umalina be mwawasa 'idi loina 'ediyega 'ili'amida, ga yawasi auwauna talobena.

1 Kolinita 15:50

Gosegwao wada nuwa'i'isi 'aene bwala bale'u nigeya sawesawenaya be galewaya silulugu, manuna bwala bale'u daudaulina ta bwala galewa geya'abo 'idaudaula.

1 Kolinita 2:12

Yaubada yaluyaluwana nigeya me bale'u yaluyaluwadi nadigega, ta esi Yaubada yaluyaluwana nina 'i'ebwa'eda, 'enega tanuwanuwa sabwalena 'ina obobomao 'edaya manudi.

1 Kolinita 6:11

Manuna 'aimi lowa wabubuna nadigega, ta esi gete tuga Yaubada ni'atu 'i'utumi ga wa'esasemi, manuna 'ida 'Inapwana Yesu Keliso 'ana esanega, ta Yaluyaluwa Tabuna 'ina guinuwega, ni'atu 'igiepaepalumi.

Galetia 6:15

Ona'ai'aila, lodaba nigeya yage sinabwana, ta wate 'eguma nigeya taguiguinuwe nate nigeya yage sinabwana. Yage sinabwana 'ebweuna namo, 'eguma Yaubada yaluyaluwana 'igie auwauda.

Epeso 5:26

'ada gie'esasa manuna, nate 'ida to'umalina 'ana 'ebe'utu bwasina 'ina ona 'enega,

1 Pita 1:2

'Omi lowa Yaubada 'inuwena be 'aene 'ida esinuwemi 'ina tomotaiyao, 'enega 'ina Yaluyaluwa Tabunega ni'atu 'igie'esasemi, nate Natuna lalanega, be 'aene Yesu Keliso nina 'enana wada ematamatane. Oboboma be nuwasiwalowa sida sinabwa 'emiya.

1 Pita 3:21

Bwasi nina gete 'ie'ita 'ai'aila 'edaya 'aene gete tuga bwasi nina 'ebe bapitaiso 'i'etoseyeda. Ta bapitaiso nina 'enega nigeya 'aene bwalada 'ana 'utu namo manuna, ta esi 'ida sidesidega Yaubada 'ateda 'igie'esasadi, Yesu Keliso 'ina toololimana 'enega,

1 Yoni 2:29

Ta Yaubada wate wada mwalatoni 'aene tauna Topalupaluna, 'enega 'abo yaisigedi taudi siguinuwa palupaluna, taudi Yaubada 'enega situbuwama.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.