Yoni 3:4 - Loina Tabu Auwauna NT

⁴ Ta Nikodimo Yesu 'ienaidena, 'igwae, “Mwa'adega 'abo'agu tai sinabwagu be 'aene yada tubuwa limana? Ona'ai'aila nigeya sawesawenaya be sinagu gamwanaya yalulugu be yatubuwa limana.”

Yoni 3:4 Σταυροειδείς Αναφορές

Yoni 3:3

Ta Yesu 'ilolagata ga 'ieonena, “Yaona 'ai'aila 'emuya, 'eguma nigeya 'utubutubuwa limana, geya'abo Yaubada 'ina 'ebeloina 'u'ita'ita.”

Yoni 3:5

Ta Yesu 'iona limana, “Yasimana 'ai'aila 'aene 'eguma nigeya bwasiyega be Yaluyaluwa Tabuna 'enega 'utubutubuwa, geya'abo Yaubada 'ina 'ebeloina 'enaya 'ulugulugu.

Yoni 6:53

'Enega Yesu 'ieonedi, 'igwae, “Yaona 'ai'aila 'emiya, 'abo'agu Tomota Natuna, ta 'eguma bwalagu geya'abo wae'ani ta wate 'eguma lalagu geya'abo wanumanumai, geya'abo sa'i yawasimi ataya wa'ewa'ewa.

Yoni 6:60

Tuta nina tomuliyao yaudi Yesu 'ina ona gete sinonona ga taudimo 'ediya sigwae, “Ona gete 'ana nono mwauna, ta 'abo'ada geya nuwada.”

1 Kolinita 1:18

Ona'ai'aila, kelose tetelina taudi yaluyaluwadi mwawamwawasidi si'awa kabokaboei, ta esi 'abo'ada taemisena 'aene Yaubada 'ina waiwai tetela nina 'ena 'imiyami, ga 'enega 'i'etoseyeda.

1 Kolinita 2:14

Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.