Yoni 3:29 - Loina Tabu Auwauna NT

²⁹ Yesu tauna tuga nadigega toai me'olotona ta 'abo'agu gosiyana, 'enega tetelina yanonona ga ma igu gwausowala sinabwana. Nadigega tuga toai me'olotona mwanena 'ilobai, 'enega 'eguma toai 'enana 'ebweu gosiyana 'inonoi, gosiyana manuna 'ida gwausowala.

Yoni 3:29 Σταυροειδείς Αναφορές

Madiu 22:2

“Yaubada 'ina loina 'atuwa kini 'ebweuna 'emasula 'iguinuwena natuna me'olotona 'ina ai manuna.

Madiu 25:1

Ta Yesu 'ieonedi wate, 'igwae, “Yaubada 'ina loina gete nadigega: Gomagweine site sanau 'idi mayale si'ewedi ga sitauya toai me'olotona sabi aesotena 'ina ai sagalina 'ina mai 'ena manuna.

Madiu 9:15

'Enega Yesu onasemalimali 'i'ebwa'edi, 'igwae, “Mwa'adega, kapekapeyana be ai 'ana toyo'oyao sinuwamwau 'abo toai me'olotona ma'ediya sigwaugwausowala? Nai nigeya aga? Ta wanuwa'i'isi 'aene tuta 'imeemai be toai nina 'ipilisinedi 'enega esi sinuwamwau be siedidigula, ta si'ebotana.”

Luke 15:6

be 'enega gosenao 'ibwau egogonedi be 'ieonadi, 'igwae, ‘Sipi nina loseloseyena ni'atu yalobena, 'enega manuna tada egwausowala.’

Yoni 15:11

Ni'atu tuga nadigega yaeonemi be gete 'enega 'igu gwausowalega wada gwausowala, be nuwami maibo'ana sida uyawana 'ai'aila.

Yoni 16:24

Ta lowaenei ga batuwa nigeya wate 'ebweu to'ase manuna 'agu esanega wasidasida. 'Enega gete tuga wasisida be 'ida 'ebwa'emi, 'enega wada gwausowala 'ai'aila.”

Yoni 17:13

“Ta 'abo'agu ni'atu gete be yawawa 'emuya, ta 'igu ona getedi bale'uya 'igu tomotaiyao yaonaonaedi be 'enega 'igu gwausowala 'enega sida gwausowala sinabwana.

Yoni 3:30

'Enega tauna Yesu 'ida etoloina, ta 'abo'agu yada mwa'uta.

2 Kolinita 11:2

Manuna 'omi nuwanuwagu, nadigega Yaubada nuwanuwana 'abo'ada, 'enega ni'atu yasawa eyaiyemi Keliso 'enaya, be 'omi 'atuwa gomagweine 'ebweu nadigega 'ina bubuna bobo'ana maibo'ana tai ma'iyana sida ai.

Pilipai 2:2

'Eguma nadigega, 'ilobwenemi be wanuwanuwa leleleya, be waeoboobobomemi 'omi, yaluyaluwami be 'atemi 'idi e'ebweu 'enega, be 'imi oboboma gete manuna yada gwausowala 'ai'aila.

1 Yoni 1:4

'Enega 'imi leta gete ni'atu 'a'etoladinawa, be 'enega wada sawa, be wada gwausowala 'ai'aila.

2 Yoni 1:12

Yage yauna simiyami be nuwanuwagu manudi ya'etoladiwa, ta tuwa, manuna yanuwayaina 'aene ma'etamo yada wai be 'omi ma'egwao tada 'awagwae, be 'enega tada egwausowala 'ai'aila.

E'ita'ita 21:9

'Enega anilose nidi sebeni lowa 'elouya keigadi sebeni 'adi to'aalao 'ebweuna 'ediyega 'imai, ga 'ieonegu, 'igwae, “'Umai be Lami mwanena yae'itayo.”