Yoni 3:27 - Loina Tabu Auwauna NT

²⁷ Ta Yoni 'ieonedi ga 'igwae, “Nigeya 'ebweu yaita sawesawenaya be 'ietai sinabwa 'eguma Yaubada nigeya 'ena 'itagwatagwala.

Yoni 3:27 Σταυροειδείς Αναφορές

Madiu 21:25

'Igu enaida gete: Yaita 'ina loinega ga Yoni togiebapitaiso 'iguiguinuwa? Yaubada, nai 'ebweu tomota?” 'Enega taudimo 'ediya siegewagewana, sigwae, “'Ina ona mwa'adega tae'isa'ese? Manuna 'abo tagwae, ‘Yaubada 'enega’ 'iabe 'ieona limada be 'igwae, ‘Ta! To'ase sana manuna ga Yoni nigeya waemiemise?’

Madiu 25:15

Ga 'ebweu 'ina mani 'ina toguinuwa 'i'ebwa'ena 'ana yau paibi analedi kina, ta tai 'eluwena tu analedi kina, ta tai 'etonina analedi kina, manuna 'ina 'ebwaya 'ediya taudi 'ebweuna 'ebweuna 'idi waiwai nadigega, ga muliyega 'inapwana nina 'ipilisinedi ga 'itauya.

Maki 13:34

'Ebe'ita wate Yesu 'i'ebwa'edi, 'igwae, “'Eguma 'ebweu 'inapwana 'iabe 'ina anuwa 'ida pilisine be 'itatauya mali senaya, 'ina toguinuwao 'ebweuna 'ebweuna 'idi paisewa 'i'ebwa'edi, be 'iloinedi be 'aene 'ina anuwa si'ita'i'isi, ta wate anuwa 'ana 'awa 'ana to'ita'i'ita 'ieonena, 'igwae, ‘Geya'abo 'u'eno'eno ta esi 'ulomata'i'ita 'ai'aila.’

Yoni 10:41

ga gote 'ena tomota yaudi 'enaya simai ga taudimo 'ediya sigwae, “Yoni nigeya 'ebweu guinuwa waiwaina 'iguiguinuwedi, ta esi Yoni 'ina simana tai gete manuna 'ai'ailina 'iapwesama.”

Yoni 6:65

Ga wate 'ieonedi, 'igwae, “Gete manuna lowa yagimi eonemi 'aene nigeya sawesawemiya be 'eguya wamama, 'abo Tamagu nigeya 'itagwatagwala.”

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 12:6

'Ebweuna 'ebweuna 'abo'ada 'ida mwalatoi be 'ida waiwai Yaubada 'i'ebwa'eda, ta wate 'aidi 'adi egueguyai dumadumana 'i'ebwa'edi. Manuna 'abo yaita 'emiyega ma ina emisa be wate ma ina mwalatoi guguya manuna, ni'atu 'ana lobwene 'ai'aila be nadigega 'ida guinuwa.

1 Kolinita 1:1

'Abo'agu Yaubada 'iesinuwegu be 'aene Yesu Keliso tetelina 'ana tosimana, 'omi me Kolinita toekalesiyao 'imi leta gete tasidai Sositeni 'ilemegu ga ya'etoladinawa, manuna 'omi ni'atu Yesu Keliso 'igie'esasemi ga 'ina boda esiesinuwadi 'ediya waluguma ga wamiyami, taudi wate Yesu Keliso 'ana esanega ma'emiyao wa'awa'awanoi, taudi sena maibo'ana 'ediyega ma'edao 'ida 'Inapwana 'ebweuna tuga, tauna Keliso.

1 Kolinita 12:11

Egueguyai getedi yaluyaluwa Tabuna tauna 'iesinuwa, ga 'ieguyai 'ebweuna 'ebweuna 'edaya, ta 'i'ebwa'eda be nadigega tada guinuwa'esa.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

1 Kolinita 3:5

Mwa'adega ga 'abo'agu be Apolosa manuma waegewagewana? 'Abo'ama topaisewa tuga 'Inapwana manuna. 'Inapwana nina 'ima paisewa 'i'ebwa'emaya dumadumadi be dumadumadi 'aguinuwedi, ga 'enega 'omi Keliso waemisena.

1 Kolinita 4:7

'Enega geya'abo wanuwanuwatu'e be 'aene gosemiyao wabobo'ana sinedi, manuna to'ase bobo'ana 'emiya simiyami, maibo'ana Yaubada 'enega walobena, 'enega geya'abo waonaona gagasa.

Galetia 1:1

'Abo'agu Yesu Keliso 'ina tosimana 'ebweu, ta 'igu etosimana nigeya tomota 'idi esinuwega, ta Yesu 'ina esinuwega, be Tamada Yaubada wate. Tauna Yesu mwawasega 'igietoolo limena.

Epeso 1:1

Kagutoki toekalesiyao 'omi Yesu Keliso 'ana toemisao, 'imi leta gete 'abo'agu 'eguyega. Yaubada 'ina nuwena 'enega yaetosimana To'etoseyana Yesu manuna.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.