Yoni 3:21 - Loina Tabu Auwauna NT

²¹ Ta 'eguma yaisigedi taudi 'idi bubuna palupaluna maedana 'ena sida apwesa be 'enega maedana 'ida gieapwesedi 'aene taudi 'idi guinuwa bobo'ana Yaubada 'enega.”

Yoni 3:21 Σταυροειδείς Αναφορές

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Yoni 3:20

'Enega 'eguma yaisigedi 'idi bubuna to'umalina, tomotai nidi maedana siguitoyasena ga nigeya maedana 'ena sida mai, 'abona nai maedana nina 'ida gieapwesedi 'aene taudi 'idi bubuna to'umalina.

Yoni 5:39

“Tuta yauyauna Buki Tabu wasawasawa ga wanuwena 'aene ma'etamo yawasimi ataya wada loba, ta nigeya wanuwanuwa sabwaleni 'aene Buki Tabu nina 'isimasimanegu.

Yoni 7:17

Ta 'omi wate 'abo nuwanuwami be Yaubada 'ina nuwena wada guinuwe, 'omi 'igu e'ita wada mwalatoni 'aene Yaubada 'enega, ta nigeya taugu 'igu nuwanuwa 'enega.

1 Kolinita 15:10

Ta esi Yaubada 'i'atenuwa 'ole'oleyegu ga 'ilemegu. 'Enega nigeya 'ilemalema daidaitegu, manuna ni'atu yaemisa 'ai'ailena ga tosimanao maibo'adi 'idi paisewa yapilisinena, nigeya taugu 'igu waiwaiyega, ta Yaubada esiya 'ina oboboma 'eguya 'enega.

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

Galetia 6:8

'Eguma bubuna bwala 'enega 'iasowa, ma'etamo sesoi to'umalina 'iloba, ta 'eguma Yaluyaluwa Tabuna 'enega 'iasowa, ma'etamo yawasi ataya 'ida sesoni.

Epeso 5:9

be bubuna nidi bobo'adi ta palupaludi ta 'ai'ailidi siapweapwesa maedana 'enega.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 2:13

manuna Yaubada nina 'atemiya 'ietaetapewa, be 'aene tauna 'ina nuwenuwega 'omi wanuwanuwa be waguiguinuwa.

Kolose 1:29

Gete manuna 'abo'agu yaetaetapewa, ta yaewaiwai, tauna 'ina waiwai 'ateguya 'i'ebwa'eguya 'enega.

Ibeliu 13:21

Ga Yaubada yage yauyauna bobo'adi 'i'ebwa'emi, be 'ediyega 'ina nuwena wada muliya 'ai'aili, be 'enega Yesu Keliso 'ina guinuwega Yaubada 'ida giebobo'anemi to'ase nadigega 'ina nuwanuwa, be manumi 'ida gwausowala. 'Enega Keliso nina tada tupu atae. Eimeni.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Yoni 1:6

'Enega 'abo sena guguyoi 'enaya tamiyami, geya'abo takabokabo be tagwae 'aene, “Yaubada ma'edai taegosiyana.” Nate nigeya bubuna palupaluna.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.

E'ita'ita 3:15

“'Imi guinuwao ni'atu yamwalatonidi 'aene nigeya yaiyai nai gonitu, ta ma igu nuwayaina 'aene 'ebweu sena 'ena wamiyami.