Yoni 3:19 - Loina Tabu Auwauna NT

¹⁹ Gete loina nina 'alena manuna maedana ni'atu bale'uya 'imai ta tomotai guguyoi nuwanuwadi, ta maedana siguitoyasena manuna 'idi bubuna to'umalina.

Yoni 3:19 Σταυροειδείς Αναφορές

Luke 12:47

“Ta 'eguma yaita 'ina 'inapwana 'ina nuwanuwa 'imwalamwalatoni ta tuga nigeya 'iguiguinuwe, 'iabe loina to'umalina 'iloba.

Luke 16:14

Tuta nina Palisiyao ona nina sinonona ga Yesu situyeyena, manuna taudi mani nuwanuwadi sinabwana.

Yoni 1:4

Tauna yawasi 'ai'aila, ta yawasi nina 'enega maedana 'ime'ena tomota yauyauda 'edaya.

Yoni 1:5

Ta maedana nina guguyoi 'enaya 'isae, ga guguyoi nigeya 'ina waiwaimo.

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Yoni 12:43

Taudi tomotai nidi nuwanuwadi 'adi 'awabobo'ana tomota 'ediyega, ta 'awabobo'ana Yaubada 'enega geya nuwadi.

Yoni 12:46

Ta 'abo'agu maedana nina gete yamai bale'uya be 'enega yaisigedi 'omi waemisegu geya'abo wate guguyoi 'ena wamiyami.

Yoni 5:44

“'Omi nuwanuwami be taumi 'emiyega 'ami tupu wada nonodi, ta esi 'ami tupu Yaubada 'enega waguitoyasena. Nate 'alena nigeya kapekapeyana be waemisegu.

Yoni 7:17

Ta 'omi wate 'abo nuwanuwami be Yaubada 'ina nuwena wada guinuwe, 'omi 'igu e'ita wada mwalatoni 'aene Yaubada 'enega, ta nigeya taugu 'igu nuwanuwa 'enega.

Yoni 7:7

manuna 'omi geya'abo me bale'u sietaetalauwalemi, ta 'abo'agu esi sietalauwalegu manuna 'idi bubuna to'umalina yasimasimanedi.

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

Yoni 9:5

'Enega 'abo'agu tuta nina bale'u 'ena yamiyami, 'abo'agu bale'u 'ana maedana.”

Loma 1:32

Ta tomota getedi nadigega, taudi ni'atu Yaubada 'ina loina simwalamwalatoni 'aene 'abo yaisigedi nadigega sibubuna'esa mwawasa namo tuga 'ilobwenedi, ta sa'i tuwa tuga to'umalina nina siguiguinuwe, ta 'abo gosediyao wate sietotowanedi, 'idi guinuwa nidi si'awa bobo'anedi.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

2 Tesalonaika 2:12

ta bubuna geyogeyoi 'ana guinuwa nuwadi 'i'ewena. 'Eguma lowa tetela 'ai'aila sida emisenaya, Yaubada 'ida 'etoseyedi, ta sa'i nigeya.

1 Pita 2:8

Ta wate 'igwae, “'Ola gete tomota 'idi 'ebe esetupe, ma'etamo 'enaya siesetupedi ta sibebe'u.” Ta siesetupedi 'enaya manuna ona nigeya siemiemise. Gete nadigega Yaubada 'ina gimiloina manudi.

2 Pita 3:3

Ta 'ebweu yage wada gimimwalatoni 'aene tuta 'ana 'ebe losalowa 'enaya 'aina totuyeya sida apwesa, be 'Inapwana 'ina 'eda manuna sida onaona besobeso, ta situyetuyeya, be taudi 'idi nuwanuwa to'umalidi simuliyedi,