Yoni 3:10 - Loina Tabu Auwauna NT

¹⁰ Ta Yesu 'igwae, “'Oyo me Isileli 'idi toe'ita sinabwayo, ta 'igu ona gete manuna nigeya 'unuwanuwa sabwalena.

Yoni 3:10 Σταυροειδείς Αναφορές

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Madiu 15:14

Ta tuwa tuga, Palisiyao nidi sida miyami 'ana laba sibebe'u, manuna taudi toanuganao matakebokebodi, be 'eguma gosediyao matakebokebodi sianuganedi, 'iabe maibo'adi gaulaya sibebe'u.”

Madiu 22:29

Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Luke 2:46

ta nigeya silobaloba 'ana laba 'asiyata 'etoi sigumwala, ga silobena Anuwa Tabu solanaya, me Yudia 'idi toe'itao ma'enao simiyami, 'ienoenonoedi ta wate 'ienaenaida 'ediya.

Luke 5:17

'Ebweu 'asiyata 'enaya Yesu boda 'ie'ie'itadi. Ta 'aidi Palisiyao be loina 'ana toe'itao taudi simai Galili be Yudia be Yelusalema 'asanao 'ediyega ga boda ma'ediyao simiyami ta sienoenono. Tuta gote 'ena Yaubada 'ina waiwaiyega Yesu tole'oasao 'igiegie bobo'anedi.

Yoni 3:9

Ga Nikodimo Yesu 'ienaidena, 'igwae, “'Imu ona gete mwa'adega 'ana mwalatoi?”

Guinuwa 5:34

Ta 'ebweuna 'ediyega, 'ana esana Gamelieli, tauna Palisi, ta loina 'ana toe'ita, ta ma 'ana 'amayaba tomota yaudi 'ediya, 'itoolo ga 'iloina be 'aene Yesu 'ana tosimanao nidi si'ewa apwesedi tuta kukupana namo manuna,

Loma 2:28

Ta goma Yudia 'ai'aila 'aene lodaba nina nigeya yage apweapwesana bwaladiya, ta esi yage kwaikwaiyina 'atediya, Yaubada Yaluyaluwana 'enega, ta nigeya tomota 'ediyega. 'Enega taudi 'abo tomota nigeya si'awa'awa bobo'anedi, Yaubada esi 'ida 'awabobo'anedi.

Pilipai 3:3

'Abo Yaubada 'ena tabwagobwago yaluyaluwana 'enega, ga Yesu Keliso namo tatupuna, ta nigeya bubuna bale'u 'ena taemiemisa, gote 'enega tamwalatoni 'aene ni'atu lodaba 'ai'aila ta'ewena.

Kolose 2:11

Ta wate Keliso 'enega 'ami we'iwe'iyaya walobena, 'atuwa nadigega lodaba, nigeya lodaba oomi 'enaya, ta esi bubuna bale'u 'atemiyega 'idaba yaulena.