Yoni 21:7 - Loina Tabu Auwauna NT

⁷ Gote 'ena Yesu 'ina tonono nina tauna gosiya 'ai'ailina Pita 'ena 'iona, 'igwae, “Gosiyagu, gote tauna 'ida 'Inapwana nina.” 'Enega Saimoni Pita 'inonona 'aene 'idi 'Inapwana nina, ga 'ana 'oama 'i'otena, manuna bwala daisinamo 'igomagomana, 'enega 'isobu ni'uya.

Yoni 21:7 Σταυροειδείς Αναφορές

Maki 11:3

Ta 'abo 'ebweu yaita 'ienaida 'emiya be 'igwae, ‘To'ase manuna nate yobai nina wali'ali'ami?’ tai nina waeona, ‘'Inapwana nuwanuwana, be tuta kukupana namo be 'ida etune ilenama.’ ”

Luke 12:35

“'Enega wada gibubuna 'ai'aila be 'ami 'oamao wada 'ote 'ai'ailidi, ta wate ma imi mayale maemaedanidi ta wayamwayamwa,

Luke 2:11

Ta ale nina gete, batuwa boboi nina Debida 'ina 'asaya 'ami To'etoseyana ni'atu 'itubuwa, tauna 'ida 'Inapwana Keliso.

Luke 7:47

Tauna 'ina to'umalinao yaudi ni'atu yanuwataudi, 'enega 'iobobomegu sinabwana, ta esi 'abo yaita 'ina to'umalina gidalina be yanuwatau, 'ina oboboma 'eguya wate gidalina.”

Yoni 13:23

Ta 'ebweu 'ina tonono, tauna Yesu gosiya 'ai'ailina, selabenaya 'i'eno ilaila,

Yoni 19:26

Gote 'ena Yesu 'isanamwa'uta ga sinana be iine nidi ma'enao 'i'itedi, ta wate 'ina tonono nina gosiya 'ai'ailina 'i'itena. 'Enega sinana 'ena 'igwae, “Sinagu, tai nate natuyo.”

Yoni 20:2

'Enega 'ipili ga Yesu 'ina tononoyao 'ediya 'iona, 'igwae, “Ni'atu 'Inapwana si'ewa apwesena 'ali'aliyega, ta mwa'o nai sisa'una.” Tonono nidi Saimoni Pita be Yesu gosiya 'ai'ailina.

Yoni 20:20

Ta muliyega nimana be lesulesuna 'ie'itedi, ga tononoyao sigwausowala manuna 'idi 'Inapwana ni'atu si'itena.

Yoni 20:28

'Enega Tomasi 'igwae, “'Oyo 'igu 'Inapwana ta 'igu Yaubada.”

Yoni 21:20

'Enega Pita 'isanaila, ga 'ebweu tonono nina Yesu gosiya 'ai'ailina 'i'itena, tauna 'e'ai 'ana tutaya Yesu selabenaya 'i'eno ilaila, ga 'ienaidena, 'igwae, “'Inapwana, yaita tauna 'amu tosipupu nina?”

Yoni 21:24

Tonono nina gete tauna yage gete manudi 'isimana ta wate tauna ona nidi 'i'etoladidi tetela gete 'enaya, ga tamwalatonina to'ase 'isimanedi ona 'ai'aila maibo'ana.

Yoni 21:8

Ta Yesu 'ina tononoyao maibo'adi sineyama ga gomana ma iyanidi wagega silisinama, ga sisuya dabalaya, manuna le'awa nigeya 'edasola.

Guinuwa 10:36

Ta To'etoseyana Yesu, tauna maibo'ada 'ida 'Inapwana, ga Yaubada 'ina tetela bobo'ana Yesu 'i'ebwa'ena, 'abo'ama me Isileli 'ima 'ebe gwausowala manuna. Ta 'omi tetela nina wamwalamwalatoni,

Guinuwa 2:36

“Gete manuna me Isileli maibo'ami wada mwalatoni 'ai'aili 'aene Yaubada Yesu ni'atu 'i'awa 'Inapwanaena be tauna To'etoseyana, tauna Yesu nina ni'atu wagiekelosena.”

1 Kolinita 15:47

Manuna gimitai Yaubada 'imweluluina bale'u 'enega, ta tai 'eluwena galewega 'imwa'utama.

2 Kolinita 5:14

Keliso 'ina obobomega 'aonaona, manuna tauna tuga 'ama toloina. Ona'ai'aila, tauna maibo'ada manuda 'imwawasa, 'enega maibo'ada 'atuwa tomwawasa.

Yemesa 2:1

Ye tasigwao, 'omi 'ida 'Inapwana Yesu Keliso tobobo'ana sana 'ana toemisao, 'enega geya'abo 'imi esinuwa toesaesao 'ediya wasa'usa'u.