Yoni 21:22 - Loina Tabu Auwauna NT

²² 'Enega Yesu Pita 'ina ona 'ie'isena ga 'igwae. “'Abo nuwanuwagu be tauna 'ida miyami be 'ana laba yailama nate nigeya 'ebweu wate to'ase 'emuya, ta 'oyo tuga 'uda muliyegu.”

Yoni 21:22 Σταυροειδείς Αναφορές

Madiu 16:24

Muliyega Yesu 'ina tononoyao 'ieonedi, 'igwae, “Yaita 'eguma nuwanuwana be 'imuliyegu, 'ilobwenena be tauna 'ina nuwanuwa 'ida guitoyase, be tauna 'ana kelose 'i'aali, be 'enega 'imwamwawasa, nate nadigega 'agu muliya nina 'ana 'eda.

Madiu 24:27

'Abo'agu Tomota Natuna, be 'igu mai limana 'ana 'ita 'atuwa namala sinabwana bomatuyega 'ituyayala ga 'ana laba 'ebwagaya.

Madiu 24:3

Muliyega 'itauya Olibe 'oyana 'ena ga 'imiyatowaya, ta 'ina tononoyao 'ena simai ga taudimo simiyamiya ta 'enega sienaidena, sigwae, “'Inapwana, 'ueonama to tuta 'ena Anuwa Tabu nidi siligeidi, be 'imu tuta ilama, be tuta 'ana 'ebe losalowa manuna 'adi we'iwe'iyaya 'ue'itama be 'ada mwalatoni.”

Madiu 24:44

'Enega 'omi wate wada gibubuna 'ai'aila be 'igu tuta ilama manuna wada yamwagu, manuna 'abo'agu Tomota Natuna 'igu ilama 'ana tuta nigeya wamwalamwalatoni.

Madiu 25:31

“'Abo'agu Tomota Natuna, be ma'etamo ma igu esaesa tuyayalina be ma igu aniloseyao 'amama be 'enega 'igu 'ebemi esaesa 'ena yamiyatowa sabi loina,

Madiu 8:22

Ta Yesu 'igwae, “Tuwa! Nada tamayo, ta esi 'umuliyegu, ta taudi tomwawasa 'idi tomwawasao sida sa'u 'ali'aliyedi.”

Maki 9:1

“Ta Yesu 'ieonedi wate, 'igwae, “Yaona 'ai'aila 'emiya 'aene tomota 'aimi geya'abo wamwawamwawasa ga 'ana laba Yaubada 'ina loina waiwaina 'ida apwesa be wada 'ita.”

Yoni 21:19

Ona gete 'enega Yesu 'ili'ali'ama Pita 'ina mwawasa manuna, be 'ina mwawasa nina 'enega Yaubada 'ana esana 'ida giesinabwa. 'Enega Yesu wate Pita 'ena 'igwae, “'Uda muliyegu.”

Yoni 21:21

Ga Pita tai nina 'i'itena, 'imulimuliyedi ga 'iona, “'Inapwana, tai gete mwa'adega 'ana loina?”

1 Kolinita 11:26

'Enega beledi nina 'ana 'e'ai be keiga nina 'ana numa 'ediyega 'Inapwana 'ina mwawasa manuna tae'itae tuta maibo'ana, be 'ana laba 'iila limanama.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

1 Tesalonaika 2:19

Ona'ai'aila, 'omi namo manumi ma ima nuwayaina be 'aene tuta nina 'ida 'Inapwana Yesu 'iapwesa limanama,

Yemesa 5:7

'Enega tasigwao, wada 'alama'i'ita 'ana laba 'ida 'Inapwana 'iilama. Nadigega tuga tobagula ma ina 'alama'i'ita 'ala'aa be bolimana soladiya 'iyamwayamwana, 'ana laba sesoi 'ana tuta 'enaya, masula uwana bobo'ana 'isesoni.

Yemesa 5:8

'Enega 'omi wate nadigega wada 'alama'i'itana ma imi 'atepatu, manuna 'iabe 'ida 'Inapwana 'iila limanama.

E'ita'ita 1:7

Ta wa'ita tauna ma'etamo galewega 'imwa'utama pwana 'enega, be tomota yauyaudi be wate lowa 'ana tobadiyao maibo'adi sida 'ita, be 'enega tomiya bale'u sena maibo'adi 'ediya sida nuwamwau be matanaya sida dedoi. Nadigega. Eimeni.

E'ita'ita 2:25

Tuga ma imi emisa wada toolopa'ala 'ana laba yailama.

E'ita'ita 22:20

Ona gete 'ana tosimana 'igwae, “Tamo! Gete be yawawa.” “Nadigega 'inapwana, 'uda ma, 'oyo Yesu.”

E'ita'ita 22:7

Ta Yesu 'igwae, “Wa'ita! Ni'atu gete be yawawa, be taudi onaupaupao buki gete 'ena 'adi toematamatanao sida gwausowala.”

E'ita'ita 3:11

“'Iabe yawawa, ta to'ase nadigega 'emiya 'imiyami wada giyai'i'isidi, be geya'abo yaita pali nina 'emiyega 'i'ewa'ewa yaule.