Yoni 21:15 - Loina Tabu Auwauna NT

¹⁵ Ta 'idi loepa'ala mulinaya, Yesu Saimoni Pita 'ienaidena, 'igwae, “Saimoni 'oyo Yoni natuna, 'imu oboboma sinabwana 'eguya, ta taudi getedi tupwana, aga?” Ga Pita 'igwae, “'Inapwana ni'atu 'umwalamwalatonigu 'aene yaobobomemu.” Ta Yesu 'iona, “'Igu lamiyao 'uda 'ita'i'isidi.”

Yoni 21:15 Σταυροειδείς Αναφορές

Madiu 10:37

“Ta 'abo yaita tamana be sinana 'iobobomedi sinabwana ta 'abo'agu gidalina, tauna nigeya sawesawenaya be 'imuliyegu. Ta 'abo yaita wate natuna me'olotona nai mewainena 'iobobome sinabwana ta 'abo'agu gidalina, tauna nigeya sawesawenaya be 'imuliyegu.

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Madiu 18:10

“Gogama gete nadigega geya'abo 'ebweuna 'ediyega wae'idi'idiye. Ona'ai'aila, gogama nidi 'idi aniloseyao tuta maibo'ana galewaya Tamagu matanaya simiyami, ta siduneduneye.

Madiu 26:33

'Enega Pita 'ilolagata ga 'igwae, “'Iabe maibo'adi sidena sineyo ta tebweugu ma'iyayo.”

Madiu 26:35

Ta Pita 'igwae, “'Inapwana, geya'abo sa'i yaeyaseyaseyeyo! 'Eguma siloemwawasiyo 'abo'agu wate ma'iyayo siloemwawasida.” Tomuliyao maibo'adi wate nadigega sionaona.

Maki 14:29

'Enega Pita 'ilolagata ga 'igwae, “'Iabe maibo'adi sidena sineyo ta tebweugu ma'iyayo.”

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Luke 22:32

ta geya'abo 'ebe toona nina 'ena 'uneeneta 'ai'aila, manuna ni'atu manuyo yasida waiwai 'imu toolopa'ala manuna. Be 'enega 'abo to tuta 'usanaila 'eda bobo'ana 'enaya, tasimwao wate 'ugie waiwaiyedi.”

Yoni 1:42

Ga Saimoni 'i'au'ewena ga Yesu 'ena 'ime'ena. Gote 'ena Yesu Saimoni 'i'itena ga 'ieonena, 'igwae, “'Oyo 'amu esana Saimoni, Yoni natuna, ta 'amu esana auwauna yada bwauye Pita, 'ana gibui Gulewa.”

Yoni 13:37

'Enega Pita Yesu 'ienaidena, 'igwae, “'Inapwana, to'ase manuna gete tuga geya'abo yamulimuliyeyo? Ni'atu yatagwalegu be manuyo tuga yada mwawasa.”

Yoni 16:27

manuna Tamagu tauna ni'atu 'iobobomemi. Ta 'ina oboboma nina 'alena manuna 'omi waobobomegu, ta wate waemisegu 'aene Yaubada 'enega yamai.

Yoni 21:12

Ga Yesu 'ediya 'igwae, “Wamai be wadinagwala.” 'Enega simwalatonina 'aene tauna tuga 'idi 'Inapwana nina, ta nigeya 'ebweu yaita 'ediyega 'ida enaida 'aene, “Yaita 'oyo?” manuna ni'atu simwalamwalatoni.

Yoni 21:7

Gote 'ena Yesu 'ina tonono nina tauna gosiya 'ai'ailina Pita 'ena 'iona, 'igwae, “Gosiyagu, gote tauna 'ida 'Inapwana nina.” 'Enega Saimoni Pita 'inonona 'aene 'idi 'Inapwana nina, ga 'ana 'oama 'i'otena, manuna bwala daisinamo 'igomagomana, 'enega 'isobu ni'uya.

Yoni 8:42

'Enega Yesu 'ediya 'igwae, “'Eguma Yaubada tauna tama 'ai'ailimi wada obobomegu, manuna 'abo'agu Yaubada 'ietuneguma, ga sena gete 'ena yamai. 'Abo'agu nigeya taugu 'igu nuwenuwega yameemai, ta esi tauna 'ietuneguma 'ina nuwanuwa 'enega.

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

Loma 14:1

Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

1 Kolinita 8:11

Ona'ai'aila, 'oyo ma imu mwalatoi, ta esi 'imu mwalatoi 'enega ma'etamo tasimuna nenetana 'ugieto'umaliye. 'Enega wada nuwa'i'isi 'aene Keliso 'imwawasa tasimina nenetana sabi 'etoseyena.

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

Epeso 4:14

Gete 'enega bubuna gogama tapilisinedi, manuna lowa 'ida mwalatoi nenetana 'ena e'ita dumadumadi be dumadumadi sigieloniuyeda, nate 'aina tokaboyao 'idi e'itao dibidibidi ta to'umalidi 'ediyega.

Epeso 6:24

Be wate yaisigedi ma'emiyao, 'abo 'ida 'Inapwana Yesu Keliso sioboboma ataena, 'ina 'atenuwa 'ole'oleyega 'ida obobomedi wate. 'Abo'agu Paulo.

Ibeliu 13:20

Yaubada miya siwalowa 'ana to'ebwaya, ta tauna wate 'ida 'Inapwana Yesu mwawasega 'igietoolo limena, ta Yesu nina 'ina toekalesiyao 'abo'ada 'ada to'ita'i'ita 'ai'aila, ta tauna lalanega 'ada loina bobo'ana ta miyamiya atayana 'i'ebwa'eda.

Ibeliu 4:13

Manuna Yaubada matanaya nigeya 'ebweu wate yage 'ida miya kwaiya, maibo'adi silo'atamanedi, ta tauna 'ena ma'etamo 'ida guinuwa maibo'ana tasimanedi.

1 Pita 1:8

Keliso nina tauna nigeya wa'ita'ita ta tuga waobobomena, ta gete tuga wate nigeya wada 'itena, ta tuwa tuga 'ena waemisa, ta 'imi gwausowala 'enaya geya'abo tagwaegwae.

1 Pita 2:2

ta 'ilobwenemi be yaluyaluwami 'ana susu bobo'ana wada 'ebese. Nadigega taudi gogama meyameyadi susu nuwanuwadi, be susu nina yaluyaluwami 'adi 'etoseyana manuna.

1 Pita 2:25

Ona'ai'aila, 'omi 'atuwa sipi loseloseyemi, ga ni'atu to'ita'i'ita sipi 'i'au'ewa limemi 'enaya, tauna yaluyaluwami 'ana to'ita'i'ita.

1 Yoni 4:19

Ta 'ida oboboma nina 'alena gete manuna Yaubada 'igimi obobomeda.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

E'ita'ita 2:23

Ta wate natunao yada loemwawasidi, be 'enega ekalesiyao maibo'adi sida mwalatonigu 'aene 'abo'agu tomota yauyaudi 'idi nuwanuwa 'atediya maibo'ana yamwalamwalatoni, ta wate maibo'ami 'emiya yada e'isa to'ase nadigega 'imi guinuwao, nai bobo'adi, nai to'umalina.