Yoni 20:9 - Loina Tabu Auwauna NT

⁹ Ta esi nigeya sinuwanuwa sabwaleni Buki Tabu 'ina simana nina 'igwae, ‘To'etoseyana nina mwawasega 'ida toolo limana.’

Yoni 20:9 Σταυροειδείς Αναφορές

Madiu 22:29

Ta Yesu enaida gete 'ie'isena, 'igwae, “Gete 'imi loegesi, manuna Buki Tabu nigeya wamwalamwalatoni, ta wate Yaubada 'ina waiwai nigeya wamwalamwalatoni.

Luke 24:26

To'etoseyana nina 'ilobwene 'ai'ailina be 'elouya nidi 'ida lobadi be 'enega muliyega 'ana esana 'isinabwa.”

Luke 9:45

Gote 'ena 'igiekwani 'ai'ailidi, 'enega nigeya sawesawenaya be yage gete manudi nuwadi 'isabwalena, ta Yesu 'ena nigeya sienaenaida be 'aene 'ida giemaedana 'ediya, manuna simatauta.

Yoni 2:22

'Enega tuta nina Yesu mwawasega 'itoolo limana ga 'ina tononoyao Buki Tabu 'ina ona be wate Yesu 'ina ona 'ediyega sinuwa'i'isina, ga siemisa 'ai'ailidi.

Guinuwa 17:3

ta Paulo nina mwalatoi 'i'ebwa'edi, 'igwae, “To'etoseyana nina 'ilobwenena be 'elouya 'iloba be 'ida mwawasa, be wate mwawasega 'ida toolo limana.” Ta wate 'igwae, “Yesu nina yasimasimanena 'emiya, tauna tuga To'etoseyana nina.”

Guinuwa 2:24

Ta Yaubada mwawasa 'ina sena mwauna 'enega 'i'etoseyena, ga 'igietoolo limena, manuna nigeya sawesawenaya mwawasa 'ina senaya 'imiyaataya.

1 Kolinita 15:4

ga sisa'u 'ali'aliyena ta 'asiyata 'etonina 'enaya 'itoolo limana, nadigega wate Buki Tabu 'isimana.