Yoni 20:16 - Loina Tabu Auwauna NT

¹⁶ 'Enega Yesu Meli 'ana esana 'i'inanena, 'igwae, “Meli!” ta Meli 'isanasakowasi ga 'ena 'igwae, “Labonai!” Me Yudia 'enadi nate 'ana gibui “'Ena'i.”

Yoni 20:16 Σταυροειδείς Αναφορές

Madiu 14:27

Ta Yesu 'ieonedi, “Geya'abo wamatamatauta. 'Abo'agu tuga, 'imi 'inapwana.”

Maki 10:51

Ta Yesu 'ieonena 'igwae, “To'ase nuwanuwayo be manuyo yada guinuwe?” Ga tomata kebokebo nina 'igwae, “'Inapwana, kapekapeyana be matagu 'uda gie'esasedi?”

Luke 10:41

Ta Yesu 'igwae, “Malida, mwa'adega ga yage yaudi manudi 'unuwanuwa,

Yoni 1:38

'Enega Yesu mulinega sitautauya ta 'ediya 'isanaila, ga 'i'itedi. Ta 'ienaidedi, 'igwae, “To'ase nuwanuwami?” Ta taudi sigwae, “Labai, mwa'o 'imu 'ebemiya?” (Labai 'ana gibui Toe'ita.)

Yoni 1:49

Gote 'ena Nataniela nuwana 'iowana ga Yesu 'ieonena, 'igwae, “'Inapwana, 'oyo ona'ai'aila Yaubada Natuna, ta 'oyo wate me Isileli 'ima kini.”

Yoni 10:3

manuna 'idi 'awa nina 'ana to'ita'i'ita 'awa 'igigegena be to'ita'i'ita sipi nina 'ilulugu be 'ina sipiyao 'adi esanega 'ibwauyedi, ta 'enana sinono be 'enega simuliye ta siapwesa 'atamanaya.

Yoni 11:28

Ni'atu Malida 'ina ona mulinaya ga 'iila anuwaya ga nada tasina Meli 'ieona ma'ulena, 'igwae, “Toe'ita nina ni'atu 'imai ga 'ienaidemu.”

Yoni 13:13

Ta 'omi ni'atu waeesegu 'aene 'abo'agu Toe'ita, ta wate 'Inapwana, ga nate ona 'ai'aila.

Yoni 20:28

'Enega Tomasi 'igwae, “'Oyo 'igu 'Inapwana ta 'igu Yaubada.”

Yoni 3:2

ga boiboiya 'imai Yesu 'enaya ga 'ieonena, 'igwae, “'Inapwana, 'amwalamwalatoni 'aene 'oyo toe'ita Yaubada 'enega, manuna nigeya 'ebweu yaita 'ina guinuwa 'ana waiwai nadigega 'oyo, 'abo Yaubada nigeya ma'iyana.”

Yoni 5:2

Ta Yelusalema 'ena nate sipi 'idi 'awa selabenaya 'ebweu bwasi ni'uni'una 'imiyami. Bwasi nina me Yudia 'enadiyega sieesena Beteseida. Ta sena nina 'ena anuwa 'ebe eyawai'ata nima simiyami bwasi tupitupinaya.

Yoni 6:25

Ta silobena Galili olana mali esenaya, ga sieonena, sigwae, “'Inapwana, maisa 'umai?”

Guinuwa 10:3

Ta 'asiyata 'ebweu 'ena 'asuinuwanuwaya, Konilio nina 'ina 'enomata'ita'ita 'enega Yaubada 'ina anilose 'ebweu 'imeema 'enaya, ga 'i'ita 'ai'ailina, ta anilose nina 'igwae, “Konilio!”

Guinuwa 9:4

ga 'ibe'u bale'uya, ta 'ebweu 'enana 'inonona, 'igwaegwae, “Saulo, Saulo, to'ase manuna 'uetalauwalegu?”