Yoni 2:4 - Loina Tabu Auwauna NT

⁴ Ga Yesu 'igwae, “'Oyo geya'abo 'uloiloinegu, manuna 'igu guinuwa nigeya yae'ae'ale.”

Yoni 2:4 Σταυροειδείς Αναφορές

Madiu 15:28

'Enega Yesu waine 'ina ona nina 'ie'isena, 'igwae, “Waine, 'oyo sa'i toemisa 'ai'aila. 'Enega gete tuga 'imu emisa nina uwana 'ida apwesa.” Ta tuta gote 'enaya waine nina natuna 'ibobo'ana limana.

Madiu 8:29

Siteluwa nidi Yesu si'itena ga simagana, sigwae, “Ee! 'Oyo Yaubada Natuna, to'ase 'utootoo be 'aene 'uguinuwe 'emaya? 'Aene gete tuga 'umai sabi gie'elouyaema ta muliyega be bwa'omatana?”

Luke 2:49

'Enega Yesu 'igwae, “To'ase manuna wa'ebe'ebesegu? Nai nigeya wamwalamwalatoni 'aene 'abo'agu Tamagu 'ina anuwaya yamiyami?”

Yoni 12:23

'Enega Yesu me Gilisi 'idi ona 'ie'isena, ga 'igwae, “'Abo'agu Tomota Natuna, ta ni'atu tuta 'imai saba be 'enega 'agu tupu yaloba.”

Yoni 13:1

Ta ni'atu tuta gidalina be Ataona Sagalina 'ana 'asiyata sida guinuwe, ta Yesu 'imwalatonina 'aene ni'atu 'ina tuta 'iapwesama be bale'u gete 'ida pilisine be 'itatauya Tamana 'ena. Ta Yesu 'ina bodao 'iobobomedi sinabwana, 'enega tuta 'ana 'ebe e'ale 'enega ga 'ana laba 'ina 'ebe losalowa 'ena 'iobobomedi.

Yoni 2:3

Tuta nina 'idi 'e'ai solanaya ga 'adi oine siloegumwalina, 'enega Yesu sinana 'igwae, “Natugu, oine maibo'ana ni'atu 'igumwala.”

Yoni 20:13

'Enega siteluwa nidi Meli sieonena, sigwae, “To'ase manuna 'udedoi?” Ga 'ieonedi, “'Igu 'Inapwana 'ali'aliyega si'ewa apwesena ga nigeya yamwalamwalatoni mane 'ena sisa'una.”

Yoni 20:15

Ta Yesu Meli 'ienaidena, 'igwae, “Waine, to'ase manuna 'udedoi? Ta yaita 'u'ebe'ebese?” Ta Meli 'ina nuwanuwa 'aene bagula nina 'ana to'ita'i'ita, 'enega 'ena 'igwae, “'Inapwana, 'eguma 'oyo 'u'aala apwesena, 'uda eonagu mane 'ena 'usa'una, be yada 'ewalima.”

Yoni 7:30

Ta gote 'ena tomota nidi sitoona be 'aene sida giyai, ta mwa'adega ga 'enega nigeya 'ebweu yaita bwalana 'igitogitoo, manuna tauna nigeya 'ina tuta 'ilobaloba be 'imwamwawasa.

Yoni 7:6

Ga gote 'ena 'ieonedi, 'igwae, “'Igu tuta nigeya 'ilobaloba be sena nina 'ena yatatauya, ta 'omi esi 'ilobwenemi be 'ena watatauya 'abo to tuta 'ena nuwanuwami,

Yoni 7:8

Bobo'ana! 'Omi taumimo watatauya sagali nina 'ena. 'Abo'agu geya'abo yaweewa 'enaya, manuna nigeya 'igu tuta 'ai'aila 'iapweapwesa.”

Yoni 8:20

Yesu 'ina e'itao getedi Anuwa Tabu solanaya 'ie'ie'itaedi, nate 'ebwayadaita 'ana dedewaga selabenaya, ga gote 'ena nigeya 'ebweu yaita Yesu 'igiyagiyai, manuna 'ina tuta nigeya 'ilobaloba.

2 Kolinita 5:16

Lowa, 'igu nuwanuwa 'aene Keliso tauna tai to'umalina ta esi ni'atu yanuwa'ebuni, 'enega geya'abo taesiesinuwa tomota 'ediya 'aene bobo'adi nai to'umalidi, nate me bale'u 'idi nuwanuwa nadigega,