Yoni 18:8 - Loina Tabu Auwauna NT

⁸ 'Enega wate 'ediya 'igwae, “Ta! Ni'atu sa'i yaeonemi 'aene 'abo'agu gete. Ta 'eguma 'abo'agu wa'ebe'ebesegu, 'agu tomuliyao getedi wada tagwaledi be sitatauya 'idi 'asaya.”

Yoni 18:8 Σταυροειδείς Αναφορές

Madiu 26:56

Ta yage getedi sida apwesa be 'enega palopitao 'idi gimisimana Buki Tabu solanaya sida apwesa.” 'Enega Yesu 'ina tononoyao maibo'adi sidena sinena.

Yoni 10:28

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

Yoni 13:1

Ta ni'atu tuta gidalina be Ataona Sagalina 'ana 'asiyata sida guinuwe, ta Yesu 'imwalatonina 'aene ni'atu 'ina tuta 'iapwesama be bale'u gete 'ida pilisine be 'itatauya Tamana 'ena. Ta Yesu 'ina bodao 'iobobomedi sinabwana, 'enega tuta 'ana 'ebe e'ale 'enega ga 'ana laba 'ina 'ebe losalowa 'ena 'iobobomedi.

Yoni 13:36

'Enega Saimoni Pita Yesu 'ienaidena, 'igwae, “'Inapwana, mwa'o batu 'utatauya?” Ta Yesu 'ieonena, “Nigeya sawesawemuya be tuta gete 'enaya 'umuliyegu, ta esi 'etamo be 'uda muliyegu sena nina 'ena.”

Yoni 16:32

Ta ma'etamo tuta 'ida apwesama, nai tada gwae, ‘Ni'atu tuta 'imai saba’, be maibo'ami wada 'elelewana 'imi 'asao 'ediya, be 'abo'agu tebweugu yada miyami. Ta nigeya 'aene tebweugumo ta esi Tamagu ma'iyagu.

Yoni 18:7

Ta tolosaiyao nidi bale'uyega sitoolo limana ga Yesu wate 'ienaida limedi 'igwae, “Yaita sana wa'ebe'ebese?” Ta taudi wate sigwae, “'Ebweu goma Nasaleta 'ana esana Yesu.”

Yoni 18:9

Yesu ona nina gete nadigega 'i'inanena be 'enega 'ina sida nina ni'a Tamana 'enaya 'ida apwesa 'ai'aila, tuta nina 'igwae, “Tamagu, tomotai nidi 'u'ebwa'eguya nigeya 'ebweu wate yaita 'ediyega yaloseloseye.”

1 Kolinita 10:13

manuna 'ebe toona nidi 'ediyega Seitani 'itootoomi, maibo'ada wate 'itootooda nadigega, ta esi Yaubada 'ina loina 'isa'una be geya'abo Seitani 'itootoo wawasaeda, ta 'abo ta'alama'i'ita 'iabe 'eda bobo'ana 'ie'itada be 'enega 'ebe toona nidi taewaiwai sinedi.

2 Kolinita 12:9

ta 'igu sida nina 'ie'isena, 'igwae, “Geya'abo, ta esi 'igu oboboma namo sawesawemuya, be 'imu neneta 'ena 'igu waiwai 'uda lotoona 'aene sawesawenaya.” 'Enega 'igu nenetao manudi yagwaugwausowala be yada onagagasa, manuna 'igu tuta neneta 'ediya Keliso 'ina waiwai 'eguya 'imiyami.

Epeso 5:25

Aiai nimi me'olotomi 'ilobwenemi be mwanemiyao waobobomedi, nadigega Keliso 'ina toekalesiyao 'iobobomeda, ga tauna 'itagwalena, ga manuda 'imwawasa,

1 Pita 5:7

Ta 'ami mwauyao maibo'adi Yaubada 'ena wada 'ebwaya, be 'enega 'ami mwau nidi 'i'ewayauledi, manuna Yaubada tauna 'i'atenuwa'ole'ole 'ai'ailemi.