Yoni 18:40 - Loina Tabu Auwauna NT

⁴⁰ Ta maibo'adi silolagata ga 'enadi sinabwana 'enega sie'isena, sigwae, “Nigeya! Geya'abo tauna! Ta esi nuwanuwama Balaba 'uda 'etoli'ami.” Balaba tauna to'oae sinabwana.

Yoni 18:40 Σταυροειδείς Αναφορές

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Madiu 27:16

Ta tuta gote 'ena 'ebweu tai deliya 'imiyami, 'ana esana Balaba, tomota maibo'adi simwalatonina 'aene tauna toto'umalina sinabwana.

Madiu 27:26

'Enega Pailato 'idi ona 'inononaya, ta Balaba 'ili'amina, ta wate 'ina tolosaiyao 'iloinedi be Yesu balaeyega sida sapi, be muliyega sida tutuepa'iye kelose 'enaya.

Maki 15:15

'Enega Pailato nuwanuwana be pwalu 'ida giegwausowalidi ga Balaba 'ili'amina, ta wate 'ina tolosaiyao 'iloinedi be Yesu balaeyega sida sapi be muliyega sida tutuepa'iye kelose 'enaya.

Maki 15:7

Tuta gote 'ena 'aina me Loma 'adi talauwalao deliya simiyami, manuna geya nuwadi me Loma 'idi loina ga silosaiyedi, ga 'ebweuna 'ediyega 'ana esana Balaba, losaiya nina solanaya tomota 'iloemwawasidi. 'Enega me Loma Balaba magosenao sigiyaidi ga deliya sisa'udi.

Luke 23:25

Ta tai nina nuwanuwadi be 'aene 'i'etoli'ami manudi, 'i'etoli'amina, tauna toloemwawasa nina deliya sisa'unaya, lowa tuta nina tauna me Loma 'idi toanuganao 'ilosaiya 'ediya. 'Enega Pailato nina pwalu nimadiya Yesu 'isa'una, be 'idi nuwanuwa nina sida losaloni.