Yoni 18:32 - Loina Tabu Auwauna NT

³² Ta ona getedi 'ina mwawasa manuna ni'atu Yesu lowa 'igimi simanedi, be 'enega tuta gete 'ida apwesa.

Yoni 18:32 Σταυροειδείς Αναφορές

Madiu 20:19

be muliyega sida 'ebwayaegu taudi nigeya me Yudia 'ediya be sida tuyeyegu be balaeyega sisapigu, be kelose 'enaya situtu epa'iyegu, be 'asiyata 'etonina 'enaya Yaubada 'ida gietoolo limagu.”

Madiu 26:2

'igwae, “Wamwalatonina 'asiyata 'eluwa be Ataona Sagalina taguinuwe, be 'enega 'agu tosipupu 'ida 'ebwayaegu 'agu talauwalao 'ediya, be kelose 'ena sida loemwawasigu, Tomota Natuna 'abo'agu.”

Maki 10:33

'igwae, “Gete tuga tatu'etu'e Yelusalema. 'Abo'agu Tomota Natuna ta 'agu tosipupu nina 'ida telesipupuyegu totaliyao sinabwadi be loina 'ana toe'itao 'ediya, be 'igu mwawasa manuna sida loina, be muliyega sida 'ebwayaegu taudi nigeya me Yudia 'ediya,

Yoni 10:31

'Enega me Yudia nidi wate gulewa si'ewedi ga 'aene Yesu sida loemwawasi.

Yoni 10:33

'Enega me Yudia nidi Yesu 'ina ona sie'isena, sigwae, “Nigeya 'aene 'imu guinuwa bobo'ana manudi 'aunuyo, ta esi 'imu ona oopa'ala manuna. Manuna 'oyo tai tuga ta 'uona 'aene 'oyo Yaubada.”

Yoni 13:18

“Yage getedi nigeya 'aene maibo'ami manumi yaonaona, ta esi taudi yaesinuwediya manudi yaonaona, ta Buki Tabu 'ina simana mali tai manuna 'igwae, ‘Tai nina tauna 'ana masula ya'ebwa'ena, 'isanaila ga 'ietalauwalegu.’ 'Enega ona nina 'ana 'ai'aila 'iabe 'iapwesa.

Yoni 18:31

Ta Pailato wate 'ediya 'iona, “Bobo'ana 'eguma watauye be 'omi taumi 'imi loinega waetalae.” Ta me Yudia nidi sigwae, “'Abo'ama nigeya 'ama tagwala be tai 'ina mwawasa manuna 'ada loina.”

Yoni 21:19

Ona gete 'enega Yesu 'ili'ali'ama Pita 'ina mwawasa manuna, be 'ina mwawasa nina 'enega Yaubada 'ana esana 'ida giesinabwa. 'Enega Yesu wate Pita 'ena 'igwae, “'Uda muliyegu.”

Yoni 3:14

Nadigega tuga lowaenei tuta nina sitautauya sena mwatui daitaya, ga Mosese mwata kainumu 'enega 'iguinuwenaya ta kaiwe 'ena 'igilagasina, 'abo'agu nadigega sida gilagasigu

Yoni 8:28

'Enega Yesu 'ieonedi, 'igwae, “'Abo'agu Tomota Natuna, ta ma'etamo wada gitu'eyegu, be 'enega nate 'ena wada mwalatonigu yaita 'abo'agu, be 'enega wada mwalatoni 'aene taugu nigeya 'igu nuwena 'enega yada guinuwa, ta esi to'ase nadigega Tamagu 'ie'itegu 'ediyega yaonaona.

Guinuwa 7:59

Ta tuta nina Sitibeni gulewega siloibwaibwa ta 'isidasida, ga 'igwae, “'Inapwana Yesu, yaluyaluwagu 'u'ewenawa.”

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.