Yoni 18:28 - Loina Tabu Auwauna NT

²⁸ 'Enega Yesu Kaiyapa 'ina anuwega si'au'ewena ga sitauyena toloina sinabwana Pailato 'ina anuwaya. Ta ni'atu tomwa 'iulisina, 'enega nigeya sawesawediya be me Yudia nidi silulugu Pailato 'ina anuwaya, manuna to tuta 'ena Ataona masulina sida 'ani geya'abo me Loma 'idi anuwa 'ediya silugulugu. Nate 'idi tabu sinabwana.

Yoni 18:28 Σταυροειδείς Αναφορές

Madiu 27:27

'Enega toloina nina 'ina tolosaiyao Yesu sisapina ta siluguyena 'idi anuwa sinabwana solanaya, ga 'idi boda maibo'adi sibwau egogonedima Yesu 'enaya,

Maki 15:16

'Enega Pailato 'ina tolosaiyao Yesu sisapina ta si'au'ewena ga 'ina anuwaya siluguyena, nate tolosaiyao 'idi sena sinabwana anuwa solanaya, ga tolosaiyao 'idi bodao maibo'adi sibwau egogonedima.

Luke 22:66

tomwa 'iulisina, ta 'enega me Yudia 'idi 'inapwanao, nate totaliyao sinabwadi be loina 'ana toe'itao sideli egogona, ga Yesu sime'ena, ga gamwagamwanidiya sietoolona,

Yoni 11:55

Ta tuta nina 'ena me Yudia 'idi Ataona Sagalina 'ana tuta 'iloselabena, 'enega tomota yaudi 'idi 'asega situ'e Yelusalema 'ena sabi gie'esasadi be muliyega sagali nina sida guinuwe.

Yoni 18:13

Ga nugana si'au'ewena ga sitauyena Anasa 'ina anuwaya. Tauna Anasa nina 'inapwana 'ebweu, nate Kaiyapa bwasiyana. Ta yakwala gote 'ena Kaiyapa nina totaliyao 'idi 'inapwana sinabwana.

Yoni 18:15

'Enega Yesu si'au'ewena ga 'ina tononoyao 'eluwa boda nidi simuliyedi. Taudi tonono nidi Saimoni Pita be wate 'ebweu mali tonono, tauna totaliya sinabwana gosiyana. 'Enega boda ma'enao silugu totaliya sinabwana 'ina anuwaya.

Yoni 18:33

'Enega Pailato 'ilugu limana 'ina anuwaya ga Yesu 'ibwauyena ta tauna wate 'ilugu 'enaya; 'enega 'ienaidena, 'igwae, “'Oyo me Yudia 'idi kini?”

Yoni 18:39

Ta 'omi tuta yauna 'imi bubuna be 'aene Ataona Sagalina 'ana tuta 'ediya 'ebweu tomota yoniyonina ya'etoli'ami manumi. Mwa'adega nuwanuwami be me Yudia 'imi kini yada 'etoli'ami manumi?”

Yoni 19:11

Ta Yesu 'igwae, “Nigeya 'ebweu wate 'imu loina 'eguya 'imiyami 'abo nigeya Yaubada 'emuya 'itagwatagwala. Ta 'uda mwalatoni 'aene tai nina 'itagwalegu 'imu loina 'enaya, tauna 'ina to'umalina sinabwa wawasae, ta 'oyo tupwana.”

Yoni 19:14

Ta ni'atu 'asuoleole, be muliyega mali 'asiyataya Ataona masulina si'a'ani. 'Enega Pailato me Yudia 'ieonedi, 'igwae, “Wa'ita 'imi kini gete.”

Yoni 19:9

'Enega Yesu 'i'au'ewa limena 'ina anuwaya ga 'ienaidena, 'igwae, “'Oyo mane 'enega 'umai?” Ta Yesu nigeya 'ie'ie'isa.

Guinuwa 10:28

ga 'ieonedi, “'Omi 'abo'ama me Yudia 'ama loina wamwalamwalatoni 'aene nigeya sawesawemaya be 'omi nigeya me Yudia 'ayausimi, nai ma'emao taegosigosiyana, ta sa'i Yaubada ni'atu 'enomata'ite'itega 'ie'itegu be geya'abo 'ebweu tomota ya'awa'awa to'umaliyei.

Guinuwa 10:32

'Enega 'imu 'ali'eiyao 'uetunedi Yopa 'ena be Saimoni 'ubwauyenama, tauna sieesena Pita, ta mali Saimoni 'ina anuwaya, Yopa 'ena le'awaya, 'imiyami, ta mali Saimoni nina 'ina guinuwa yobai bwaladiyega gwegwe 'iguiguinuwedi.’

Guinuwa 11:3

sigwae, “Mwa'adega ga 'enega 'oyo 'ulugu taudi nigeya me Yudia 'idi anuwaya ga ma'emwao wa'e'ai?”

Guinuwa 3:13

ta esi Yaubada 'ina waiwaiyega, tauna Ebelaamo be Aisake be Yekobe 'idi Yaubada, ta tubudao 'idi Yaubada, ga ni'atu Yaubada 'ina 'ali'ei Yesu 'ana esana 'igitu'eyena, tauna lowa Pailato nuwanuwana be 'ili'ami, ta 'omi waeyaseyaseyena, ga wa'awa to'umaliyena Pailato matanaya.

Guinuwa 4:27

“Ona'ai'aila, 'asa gete solanaya sideli egogonama sabi losaiya 'imu 'ali'ei 'esasena ta esiesinuwana, tauna Yesu 'enaya, taudi tolosaiyao nidi nate Elodi, be Ponitio Pailato, be me Yudia, be wate taudi nigeya me Yudia,