Yoni 18:26 - Loina Tabu Auwauna NT

²⁶ 'Enega 'ebweu totaliya sinabwana 'ina toguinuwa, tai nina tenana lowa Pita 'i'upwayaulena 'ina susuyega, Pita 'ieonena, 'igwae, “'Oyo nai wate Yesu ma'iyayao bagulaya ya'itemi, aga?”

Yoni 18:26 Σταυροειδείς Αναφορές

Madiu 26:73

Tuta kukupana namo mulinaya toyo'o nidi Pita 'enaya simai, ta sigwae, “Ona'ai'aila 'ukabo! 'Oyo Yesu 'ina boda 'ebweu, manuna 'imu lewa 'atuwa me Galili 'enadi.”

Luke 22:58

Muliyega 'ebweu wate tai Pita 'iduneduneyena ga 'ieonena, 'igwae, “'Oyo 'ebweu 'ana tomuliya nina.” Ga Pita 'igwae, “Iyaa! 'Abo'agu nigeya!”

Yoni 18:1

Ta ni'atu 'ina sidasida 'ilosalonina ta ma ina tononoyao sitauya, ga 'ebweu sa'ala 'ana esana Kidiloni siabalena, ga Olibe bagulinaya silugu.

Yoni 18:10

Ta Saimoni Pita selabenaya 'itootoolo, ga 'ina sisisaiya 'ilisilolona ga totaliya sinabwana 'ebweu 'ina toguinuwa tena'ataina 'i'upwayaulena. Toguinuwa nina 'ana esana Maliko.