Yoni 18:20 - Loina Tabu Auwauna NT

²⁰ 'Enega Yesu 'ieonena, ga 'igwae, “'Abo'agu 'igu e'ita apwesaya tomota 'ediya anuwa tapwalolo soladiya ta wate Anuwa Tabu solanaya, 'enega me Yudia maibo'adi tuta nina 'ena silugulugu ga ni'atu 'igu e'itao sinonodi, manuna nigeya 'ediyega yada e'ita kwaiya.

Yoni 18:20 Σταυροειδείς Αναφορές

Madiu 24:26

“'Enega 'eguma sieonami, sigwae, ‘Keliso sena mwatui daitaya 'imiyami’, geya'abo mitawa gote 'ena watautauya. Be 'eguma sigwae, ‘Keliso anuwa sola'ai'ailinaya 'imiyami’, geya'abo waeemisedi.

Madiu 26:55

Gote 'ena Yesu boda 'ieonedi, 'igwae, “Sana 'abo'agu to'ipwala, ga 'enega ma imi sisisaiya be ma imi wepasi wamai sabi giyaigu! Ta to'ase 'alena ga 'enega nigeya wagiyagiyaigu 'asiyata nidi yaudi Anuwa Tabu 'ena yamiyami ta yae'ie'ita tomota 'ediya?

Madiu 26:65

'Enega totaliya sinabwana nina 'igamwasowala 'ai'aila ga taunamo 'ana 'oama 'isabuna ta 'igwae, “'Ina ona to'umalina wanononaya? Ona'ai'aila, tai gete Yaubada 'isinalina. Tuwa! Geya'abo wate toe'ewao sionaona 'ina loegesiyao manudi.

Madiu 4:23

Yesu Galili maibo'ana 'iasakowasiyena, ta 'idi anuwa tapwalolo 'ediya 'iloguguya, ta tetela bobo'ana Yaubada 'ina loina manuna 'isimasimane, ta wate tomota 'adi le'oasao 'ediyega 'igiebobo'anedi maibo'adi.

Madiu 9:35

'Enega Yesu 'asa sinabwadi be gidalidi 'ediya 'isakowasi, ta 'idi anuwa tapwaloloyao 'ediya 'ie'ita ta 'iloguguya Yaubada 'ina loina tetelina manuna, ta wate le'oasa yaudi 'ediyega tomota 'igiebobo'anedi.

Maki 8:32

Yesu 'ina ona gete 'enega 'isa'uapwese 'ai'ailina 'ina mwawasa manuna. 'Enega Pita Yesu ma'alenaya 'itauyena ga 'i'etobodena be 'aene geya'abo yage nidi siapweapwesa Yesu 'enaya.

Luke 21:37

Tuta gote 'ediya Yesu Anuwa Tabu 'ena 'ie'ie'ita, ta 'asuinuwanuwaya 'iilaila Olibe 'oyana 'enaya ta 'i'eno'eno,

Luke 4:15

manuna me Galili nidi 'idi anuwa tapwalolo 'ediya 'iloguloguguya, ga 'enega maibo'adi si'awa bobo'anena.

Yoni 18:21

Ta to'ase 'alena ga 'enega 'eguya waenaenaida, ta esi taudi 'igu ona sinonona 'ediya wada enaida. Manuna to'ase 'igu ona 'ediya ni'atu simwalamwalatoni.”

Yoni 6:59

Yage getedi maibo'adi 'isimana apwesedi tuta nina 'ie'ita anuwa tapwalolo solanaya sena Kapaneumi 'enaya.

Yoni 7:14

Ta ni'atu sagali 'ana wiki gamwagamwaninaya, ga Yesu Anuwa Tabu 'ena 'ilugu, ga 'ina e'ita 'ie'alena.

Yoni 7:26

Ta wa'ita, ni'atu tomota gamwagamwanidiya 'itootoolo ga 'ionaona 'ediya, ta nigeya 'ebweu yaita 'enana 'ida e'isena. Ta mwa'adega, ni'atu 'ida toanuganao si'awa 'ai'ailena 'aene tauna To'etoseyana, aga?

Yoni 7:28

Tuta nina Yesu ma'etamo 'ie'ie'ita Anuwa Tabu solanaya, ta 'enana sinabwana 'enega 'igwaegwae, “Ona'ai'aila ni'atu wasinapugu 'aene to sena 'enega yamai, ta wada nuwa'i'isi tauna 'ietuneguma ga 'ina loinega yamai, ta esi 'abo'agu nigeya taugu 'igu loinega be yamamai sena gete 'ena. Tauna 'agu Toetune nina 'ina bubuna bobo'ana ta palupaluna, ta 'omi nigeya wamwalamwalatoni yaita tauna.

Yoni 7:4

Wate sieonena, sigwae, “'Uda mwalatoni 'aene nigeya 'ebweu yaita guinuwa kwaikwaiyega 'ana esana 'ida sinabwa, ta 'eguma nuwanuwayo be tomota maibo'adi sida mwalatoniyo, 'enega 'uda e'itaeyo tauyo 'ediya.”

Yoni 8:2

Ga mali gonagonaya Yesu 'iila limana Anuwa Tabu solanaya, ta tomota wate maibo'adi simiya sakowasiyena, ga 'imiyatowa ga 'ie'itedi.

Yoni 8:26

Ta wate 'ieonedi, “Yage yau wawasae manumi yada ona be yada loinemi, ta esi tauna 'ietuneguma 'ina bubuna palupaluna, 'enega to'ase nadigega yanonona 'enega gete me bale'u 'emiya yasimasimanedi.”

Guinuwa 26:26

ta yage getedi Kini Agalipa 'imwalamwalatonidi, be matanaya gete yaonaona nigeya ma igu omayamaya, ta yamwalamwalatoni yage getedi nigeya 'ebweu 'ikwaikwaiya, manuna gete nigeya guinuwa ma'ula.