Yoni 18:16 - Loina Tabu Auwauna NT

¹⁶ Pita nigeya 'ilugulugu ta 'awa selabenaya 'itootoolo, 'enega tomuliya nina tauna totaliya sinabwana gosiyanana 'iapwesa ga 'awa 'ana to'ita'i'ita 'ebweu waine 'ieonena be 'aene Pita wate 'ida lugu. 'Enega waine nina 'itagwala ga Pita 'ilugu.

Yoni 18:16 Σταυροειδείς Αναφορές

Madiu 26:69

Ta Pita ma'etamo 'etauluya 'imiyami ga toguinuwa gomagweine 'ebweuna 'iapwesama ga 'ienaidena, 'igwae, “Lowa goma Galili Yesu nina 'oyo ma'iyayo wamiyami, aga?”

Madiu 27:15

Yakwala 'ebweuna 'ebweuna 'ediya, Ataona masulina 'enaya, toloina nina 'ina bubuna nate deliyega 'ebweu tai 'ili'ami be 'iapwesa, 'eguma yaita pwalu siesinuwe.

Maki 15:6

Yakwala 'ebweuna 'ebweuna Ataona Sagalina 'ana tuta 'enaya toloina nina 'ina bubuna nate deliyega 'ebweu tai 'ili'ami be 'iapwesa, 'eguma yaita pwalu siesinuwe.

Luke 23:18

'Enega boda nidi sibwau leleleya, sigwae, “Tauna 'imwamwawasa, ta esi Balaba 'uda 'etoli'ami manuma.”

Guinuwa 12:13

'Enega Pita anuwa 'ana 'awa 'enaya 'i'aukeke, ta topaisewa mewainena 'ana esana Loda 'imai,