Yoni 18:12 - Loina Tabu Auwauna NT

¹² 'Enega tolosaiyao nidi ma idi toanuganao be wate me Yudia 'idi 'ali'eiyao Yesu sigiyaina ga nimana siyonina.

Yoni 18:12 Σταυροειδείς Αναφορές

Madiu 26:57

Boda nidi ni'atu Yesu sigiyaina ga si'au'ewena totaliyao 'idi 'inapwana, 'ana esana Kaiyapa, 'enaya. Ta Kaiyapa 'ina anuwaya loina 'ana toe'itao be 'inapwanao ni'atu sideli egogonama ga simiyami.

Madiu 27:2

'Enega Yesu nimana siyonidi ga sitauyena toloina sinabwana Pailato 'enaya be 'aene Pailato nina 'ida loine.

Madiu 27:27

'Enega toloina nina 'ina tolosaiyao Yesu sisapina ta siluguyena 'idi anuwa sinabwana solanaya, ga 'idi boda maibo'adi sibwau egogonedima Yesu 'enaya,

Maki 14:53

Ta Yesu si'au'ewena ga siluguyena totaliyao 'idi 'inapwana 'ina anuwaya, manuna anuwa nina 'ena totaliya sinabwadi be 'inapwanao be loina 'ana toe'itao ni'atu siegogonama ga simiyami.

Maki 15:1

'Enega tomwa 'iulisina ga totaliyao sinabwadi be 'inapwanao be loina 'adi toe'itao be toloinao maibo'adi sideli egogonama ga siloiloina Yesu manuna, 'enega nimana siyonidi ga sitauyena Pailato 'ena be 'aene Pailato nina 'ida loine.

Luke 22:54

'Enega Yesu sigiyaina ga si'au'ewena totaliyao 'idi 'inapwana 'ina anuwaya. Ta Pita 'edasolega 'imuliyedi.

Yoni 18:3

'Enega Yudasa tolosaiyao ma'enao simai sena nina 'enaya, ma idi wenukwa be mayale be wate ma idi gwegwe saiyao. Ta tolosaiyao nidi taudi totaliyao be Palisiyao sietunedima Yudasa ma'ediya.

Guinuwa 10:1

Ta 'asa Sisalia 'enaya 'ebweu tai 'ana esana Konilio 'imiyami. Tauna me Loma tolosaiyao 'adi yau analedi 'idi toanugana, boda Itali 'enega,

Guinuwa 21:31

ta sitootoo sabi loemwawasina. 'Enega boda saiya 'ana toloina ale 'inonona 'aene me Yelusalema maibo'adi sigalagalala besobeso.

Guinuwa 21:37

Ta 'iabe si'au'ewenama anuwaya, ga Paulo boda saiya 'ana toloina 'isidena, 'igwae, “Kapekapeyana ona 'ebweuna 'emuya yaonei?” Ta toloina nina 'ilosuyaena, ga 'igwae, “Na! Tumada! 'Ena Gilisi 'umwalamwalatoni.

Guinuwa 23:10

Ta ni'atu sie'ue'upwa sinabwana, ga boda saiya 'ana toloina pwaluyao 'imatautedi, 'abona nai Paulo sigiyai be sigieto'umaliye, ga tolosaiyao 'iloinedi ga sidolo ga Paulo gamwagamwanidiyega sime'ena anuwaya.