Yoni 17:6 - Loina Tabu Auwauna NT

⁶ “Ta 'imu bubuna maibo'ana ni'atu yae'itaena taudi me bale'u 'u'ebwa'eguya 'ediya, manuna 'oyo 'imu tomotaiyao ta 'u'ebwa'egu, ga 'imu ona maibo'ana simuliyena,

Yoni 17:6 Σταυροειδείς Αναφορές

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 12:28

Ta esi yasisida be Tamagu 'ena yagwae, ‘Tamagu, 'amu esana 'ugitu'eye.’ ” 'Enega 'ebweu 'enana galewega sinonona, 'igwae, “'Agu esana ni'atu yagitu'eyena ta wate ma'etamo yada gitu'e limai.”

Yoni 15:19

Ta 'abo 'omi 'imi bubuna me bale'u nadigega, me bale'u sida obobomemi, manuna 'omi gosediyao. Ta bale'u gete 'enega 'omi ni'atu ya'au'ewa apwesemi, 'enega nigeya wate me bale'u 'idi boda 'ena wamiyami. Nate 'enega me bale'u siguitoyasemi.

Yoni 15:3

Ta 'omi nadigega ni'atu 'igu ona 'enega yagie'esasemi.

Yoni 15:7

Ta 'abo 'eguya wamiyami ta wate 'abo 'igu ona 'emiya 'imiyami, 'enega 'abo to'ase nuwanuwami wada sida manudi be walobadi.

Yoni 17:12

Ta tuta nina 'abo'agu ma'edi 'imu waiwai nina 'u'ebwa'eguya 'enega ya'ita'i'isidi, ta nigeya 'ebweu wate yaita 'ediyega yaloseloseye, nate namo tai nina lowa Buki Tabu 'ena tauna manuna 'ieonena be 'aene 'iesilae.

Yoni 17:14

Ta tomota nidi 'imu ona ni'atu ya'ebwa'edi, ta esi me bale'u sietalauwaledi, manuna taudi nigeya me bale'u 'idi boda 'ena simiyami, tuga nadigega 'abo'agu wate nigeya 'idi boda 'ena yamiyami.

Yoni 17:16

Manuna gete tuga taudi nigeya me bale'u 'idi boda 'ena simiyami, ta taudi esi nadigega 'abo'agu.

Yoni 17:2

Manuna 'oyo loina 'u'ebwa'egu tomota maibo'adi manudi, be 'enega 'abo'agu yawasi ataya yada 'ebwaya taudi maibo'adi 'u'ebwa'eguya 'ediya.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Yoni 17:26

'Enega ni'atu 'imu bubuna yae'itaena 'ediya, ta ma'etamo wate yada e'ita limadi be sida mwalatoi 'ai'ailiyo, 'enega 'imu oboboma nina 'ateguya 'imiyami, taudi wate 'atediya 'ida miyami, ta 'abo'agu wate 'ediya yada miyami.”

Yoni 17:7

ta wate yage nidi yauyauna 'u'ebwa'eguya simwalamwalatonidi 'aene 'oyo 'emuyega.

Yoni 18:9

Yesu ona nina gete nadigega 'i'inanena be 'enega 'ina sida nina ni'a Tamana 'enaya 'ida apwesa 'ai'aila, tuta nina 'igwae, “Tamagu, tomotai nidi 'u'ebwa'eguya nigeya 'ebweu wate yaita 'ediyega yaloseloseye.”

Yoni 6:37

Tomota nidi taudi Tamagu 'i'ebwa'egu ma'etamo 'eguya simama be geya'abo sa'i yae'idi'idiyedi.

Yoni 6:39

'Agu toetune nina 'igu tomota 'i'ebwa'eguya, ta gete 'ina nuwena be 'aene geya'abo yaita 'ebweu 'ediyega 'iloseloseyei, ta esi tuta 'ana 'ebe losalowa 'enaya mwawasega yada gietoolodi.

Yoni 8:51

Yaona 'ai'aila 'emiya, 'abo yaita 'igu ona 'imuliya 'ai'ailidi, tauna geya'abo sa'i 'imwawamwawasa.”

Yoni 8:52

'Enega me Yudia nidi Yesu sieonena, sigwae, “Ni'atu 'amwalatoi 'ai'ailimu 'aene yaluyaluwa bi'i 'emuya 'ipaipaisewa, manuna Ebelaamo 'amwalatonina 'aene ni'atu 'imwawasa, ta wate palopitao 'amwalatonidi 'aene ni'atu simwawasa, ta 'ugwaegwae 'aene ‘'Eguma yaita 'igu ona 'imuliya 'ai'ailidi, geya'abo sa'i 'imwawamwawasa.’

Guinuwa 13:48

'Enega taudi nigeya me Yudia Paulo be Banaba 'idi ona gete sinonona, ga sigwausowala sinabwana, ga Yaubada tetelina si'awa bobo'anena, ga taudi yaisigedi Yaubada 'iesinuwedi be yawasi miyamiya atayana sida loba, taudi ona nina siemisena.

Loma 11:2

'Enega yamwalatonina 'aene 'abo'ama Yaubada 'ina tomotaiyao nima 'igimi esinuwema be 'ina bodao, 'enega geya'abo 'ie'idi'idiyema. Lowaenei Ilaitiya me Isileli 'ilomugiyedi Yaubada 'ena, ta 'ina ona nina Buki Tabu 'ena 'igwae,

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

2 Timoti 1:13

Lowa guguya nidi bobo'adi ya'ebwa'emu, Yesu Keliso 'ana emisa be 'ana oboboma manudi, ta 'uda muliya 'ai'ailidi.

Ibeliu 2:12

manuna 'ina ona Tamana 'enaya, 'igwae, “'Amu esana yada simane tasigwao 'ediya, be deliegogona solanaya yatupuyo.”

Ibeliu 3:6

Ta Keliso Yaubada 'ina anuwaya 'ietapewa nigeya toguinuwa 'atuwa ta esi tauna natu 'ai'ailina. 'Abo'ada Yaubada 'ina anuwa nina tuga, 'eguma taemisa ataya ma ida 'atepatu be ma ida gwausowala.

1 Pita 1:1

'Abo'agu Yesu Keliso 'ana tosimana, gete 'igu leta 'emiya, 'omi Yaubada 'ina tomotaiyao waesugalagala mali sena 'ediya, nadigega Ponito be Galetia be Kapadosia be Esia, be wate Bitinia 'asadiyao 'ediya.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

E'ita'ita 2:13

“Ni'atu yamwalamwalatoni sena nina 'ena wamiyami, nate Seitani 'ina 'ebeloina. Ta tuwa tuga waemisa 'ai'ailigu, manuna nigeya wada eyaseyaseyegu. Ta Seitani 'ina sena nina 'ena lowa 'ebweu 'agu tosimana 'ai'aila siloemwawasina, 'ana esana Anitipasa, ta tuga sa'i wagiyaigu pa'alina.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.

E'ita'ita 3:8

Tauna gete 'isimana 'emiya, 'igwae, “'Imi guinuwao ni'atu yamwalatonidi, ta wate yamwalamwalatoni 'aene 'imi waiwai tupwana 'imiyami, manuna 'igu e'itao wamuliyedi, ta wate 'agu esana nigeya waeyaseyaseye. Ni'atu 'awa yagigegena manumi, ta nigeya 'ebweu yaita sawesawenaya be 'ida gibode.