Yoni 17:22 - Loina Tabu Auwauna NT

²² “Lowa 'imu esaesa maemaedanina 'u'ebwa'eguya ni'atu tomotai nidi ya'ebwa'edi, be 'enega sida e'ebweu, nadigega tuga 'abo'ada tae'ebweuna.

Yoni 17:22 Σταυροειδείς Αναφορές

Maki 6:7

Ga 'ina tononoyao site tuwelo 'ibwauyedi ga 'iloinedi be 'aene 'eluwa 'eluwa sida sakowasi 'asa 'ediya, ta wate loina be waiwai 'i'ebwa'edi be 'enega sawesawediya yaluyaluwa bi'i tomota 'ediyega sida ula apwesedi,

Luke 22:30

be 'enega 'omi 'igu 'ebeloina 'enaya ma'egwao tada 'e'ai be tanunuma, be wate 'ebemi esaesa 'ediya wamiyatowa be me Isileli 'idi susuyao tuwelo wada loinedi.”

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:16

Tauna to'ebwaya bobo'ana, ga 'ina obobomega maibo'ada 'iloemaeda.

Yoni 14:20

Ta 'asiyata gote 'ena wada mwalatonigu 'aene 'abo'agu Tamagu 'ena yamiyami, ta 'omi 'eguya wamiyami ta 'abo'agu 'emiya yamiyami.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Loma 8:30

Yaubada nina 'iesinuweda, 'enega 'ibwauyeda, ga 'i'awa palupaluyeda, ta wate 'ida 'ebemi esaesa 'i'ebwa'eda.

2 Kolinita 3:18

'enega nigeya 'ebweu talabodaboda maninidaya 'imiyami, ta 'Inapwana 'ina esaesa maemaedanina 'ena tadunedune, ta tupwana be tupwana 'isa'usa'u gelaseda tauna 'ana 'ita maemaedanina nadigega. Guinuwa gete 'Inapwana 'enega, tauna yaluyaluwa tuga.

2 Kolinita 5:20

'Abo'ama Keliso 'ana tosimanao ga Yaubada 'emega 'iloguguya 'emiya, ta Keliso manuna 'asidemi be Yaubada 'ena wada egosigosiyana limana.

2 Kolinita 6:1

'Enega tauna ma'emai 'apaipaisewa, ga 'emiya 'asida be geya'abo Yaubada 'ina oboboma waeyage besobesoe,

Epeso 2:20

'Omi wate si'abimi, 'enega 'abo'ada 'atuwa anuwa, ta Yesu Keliso tauna 'ida 'autui, be tauna 'ena 'ola sinabwadi nate Yesu 'ana tosimanao be palopitao,

Pilipai 1:29

Manuna Yaubada ni'atu 'itagwala 'emiya be Keliso 'ena waemiemisa, be tauna wate manuna wada 'elouya,

Kolose 1:24

'Enega gete tuga 'igu 'elouya 'omi manumi yalobalobadi, ta tuwa tuga ma igu gwausowala. Taugu bwalagu 'ina 'elouya be Keliso 'ina 'elouya 'iloeposeyanena ga 'isinabwa toekalesiyao manudi, nate taudi Keliso oona.

1 Yoni 1:3

Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 3:24

'Enega 'eguma 'ina loinao tamulimuliyedi, 'abo'ada 'enaya tamiyami, ta tauna 'edaya 'imiyami. Ta mwa'adega 'ina miya 'edaya tamwalatoi'ese? Manuna Yaluyaluwana 'i'ebwa'eda, ga 'edaya 'imiyami.

1 Yoni 4:17

Gete 'enega taeobooboboma 'ai'aila be bwa'omatana 'ana 'asiyata 'enaya geya'abo tamatamatauta, ta esi tada 'atepatu, manuna tuta gete bale'uya tamiyami 'abo'ada Keliso nadigega.

E'ita'ita 21:14

'Asa nina sinabwana si'abina 'autui 'ebweu bobo'ana 'enaya, nate gulewa tuwelo pa'alidi debadiya, ga gulewa nidi 'ediya Lami 'ana tosimanao tuwelo 'adi esanao si'etoladidi.