Yoni 16:25 - Loina Tabu Auwauna NT

²⁵ Ta Yesu wate 'ediya 'igwae, “Ni'atu ona semalimaliyega yage getedi yasimanedi 'emiya. Ta ma'etamo tuta 'ida mai be geya'abo wate ona semalimaliyega yaeonami, ta esi Tamagu manuna yada onaapwesa 'ai'aila 'emiya.

Yoni 16:25 Σταυροειδείς Αναφορές

Maki 4:13

'Enega Yesu 'ieonedi, 'igwae, “Mwa'adega 'igu onasemalimali gete nigeya wanuwanuwa sabwaleni, aga? Be mwa'adega 'aina onasemalimali gete nadigega wada nuwasabwalenidi?

Maki 4:34

Tauna tuta yauna onasemalimaliyega 'iloguloguguya pwalu 'ediya, ta 'ina tononoyao dimo 'ediya onasemalimali nidi 'ili'ali'amidi.

Maki 8:32

Yesu 'ina ona gete 'enega 'isa'uapwese 'ai'ailina 'ina mwawasa manuna. 'Enega Pita Yesu ma'alenaya 'itauyena ga 'i'etobodena be 'aene geya'abo yage nidi siapweapwesa Yesu 'enaya.

Yoni 10:24

Ga gote 'ena me Yudia nidi Yesu siasakowasiyena ga sieonena, sigwae, “'Oyo tuta yauna 'ugiegie nuwanaluwema, ta to tuta 'ena be 'enega 'emaya 'uda simana 'ai'aila 'aene 'oyo To'etoseyana nina?”

Yoni 10:6

Ona semalimali gete Yesu 'isimanena 'ediya, ta yage nina manuna 'ionaona nigeya 'imaemaedana taudi 'ediya.

Yoni 16:12

“Ta e'ita yau wawasae simiyami, ta esi geya'abo maibo'ana tuta gete yasimasimanedi 'emiya, manuna nigeya sawesawemiya be wamwalatonidi.

Yoni 16:2

Manuna ma'etamo anuwa tapwaloloega sipa'imi, ta wate ma'etamo tuta 'imeemai be 'abo yaita 'ida loemwawasimi, tauna 'inuwanuwa 'aene gete Yaubada 'ina 'ebe gwausowala.

Yoni 16:32

Ta ma'etamo tuta 'ida apwesama, nai tada gwae, ‘Ni'atu tuta 'imai saba’, be maibo'ami wada 'elelewana 'imi 'asao 'ediya, be 'abo'agu tebweugu yada miyami. Ta nigeya 'aene tebweugumo ta esi Tamagu ma'iyagu.

2 Kolinita 4:2

Ni'atu bubuna to'umalidi nai kabokabodi 'aguitoyasedi, ta wate geya'abo Yaubada 'ina ona 'agibugibuni be 'aene e'ita kabokabona 'enega 'ae'ie'ita, ta esi e'ita 'ai'aila 'aonaona apwese, be tomota maibo'ami 'ima bubuna bobo'ana Yaubada matanaya wa'ita.