Yoni 16:22 - Loina Tabu Auwauna NT

²² Ta 'omi nadigega tuga, manuna mwau 'emiya tuta gete, ta ma'etamo yailama be wada 'itagu, 'enega manugu wada gwausowala 'ai'aila. Ta gwausowala nina tauna geya'abo yaita wate 'emiyega 'i'ewa'ewa yaule.

Yoni 16:22 Σταυροειδείς Αναφορές

Madiu 28:8

'Enega iine nidi ma idi matauta ta wate ma idi gwausowala 'ali'ali sipilisinena ga sipili manini be 'aene Yesu 'ina tononoyao 'ediya yage gete sida simana.

Luke 10:42

ta esi 'ebweuna namo yage sinabwana manuna 'uda nuwanuwa, nadigega tasiyo Meli 'ina esinuwa. Meli nuwanuwana be 'igu ona 'ida nonodi, 'enega geya'abo 'ebweu yaita 'i'eto'etobodei.”

Luke 16:25

“Ta Ebelaamo 'ieonena, 'igwae, ‘Natugu, 'uda mwalatoni 'aene lowa yawasiyo maibo'ana gwausowala daisinamo, ta esi Lasalo nigeya 'ebweu 'ebe gwausowala 'ilobaloba. 'Enega gete tuga tauna ma ina gwausowala, ta 'oyo 'u'elo'elouya.

Luke 19:26

“Ta 'inapwana nina wate 'ediya 'igwae, ‘Tuwa tuga, wada 'ebwa'e, manuna 'abo yaita 'ana egueguyai 'iloeposeyanei, 'ana loeposeyana wate 'ida loba, ta 'eguma yaita nigeya 'iloeloeposeyane, to'ase 'enaya 'imiyami 'enega ma'etamo sida 'ewayaule.

Luke 24:41

Gote 'ena sigwausowala, ta esi tupwana ma idi enuwanaluwa manuna nigeya siemiemisa 'ai'aila. Ta 'ieonedi, “Masula 'eisa, wa'ebwa'egu be ya'a'a?”

Yoni 14:1

'Enega Yesu wate 'ieonedi ga 'ediya 'igwae, “Geya'abo waenuenuwanaluwa, ta esi Yaubada wada emise, ta wate 'abo'agu wada emisegu.

Yoni 14:19

“Ta tuta gidalina namo 'ena be yapilisinemi, be geya'abo me bale'u si'ita'itagu, ta 'omi ma'etamo wada 'itagu mayawasigu yamiyami, 'enega 'omi wate nadigega mayawasimi wamimi.

Yoni 14:27

“'Abo'agu ni'atu be yapilisinemi, 'enega taugu tuga 'igu nuwasiwalowa 'enega yada 'ebwa'emi, ta nuwasiwalowa nina nigeya nadigega me bale'u si'ebwa'ebwa'emi. 'Enega geya'abo waenuenuwanaluwa nai wa'ate'ate sa'ala.

Yoni 16:16

'Enega Yesu wate 'ediya 'iona, 'igwae, “Ni'atu tuta gidalina 'ena be geya'abo wate wa'ita'itagu, ta 'enega tuta gidalina ma'etamo 'ena wada 'italimagu.”

Yoni 16:20

Yaona 'ai'aila 'emiya 'aene ma'etamo ma imi nuwamwau wadedoi, ta esi me bale'u maibo'adi sigwausowala. Ta 'omi ma'etamo wanuwamwau ta 'imi nuwamwau nina 'ida gibuni be wagwausowala.

Yoni 16:6

Ta 'enega 'igu ona manudi nuwami simwau sinabwana.

Yoni 21:7

Gote 'ena Yesu 'ina tonono nina tauna gosiya 'ai'ailina Pita 'ena 'iona, 'igwae, “Gosiyagu, gote tauna 'ida 'Inapwana nina.” 'Enega Saimoni Pita 'inonona 'aene 'idi 'Inapwana nina, ga 'ana 'oama 'i'otena, manuna bwala daisinamo 'igomagomana, 'enega 'isobu ni'uya.

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Guinuwa 13:52

Ta esi Yaubada 'ana toemisao sigwausowala sinabwana, ta Yaluyaluwa Tabuna 'ina waiwai 'iloemaedi.

Guinuwa 16:25

Ta niuniuwanaya Paulo be Sailasa sisidasida ta siwaliwali Yaubada 'ena, ta 'enega tolugu deliyao maibo'adi sienoenonoedi,

Guinuwa 2:46

'Enega 'asiyata 'ebweuna 'ebweuna 'ediya ma idi 'atetagwala sitapwatapwalolo Anuwa Tabu 'enaya, ta taudi 'idi anuwaya ma idi gwausowola si'e'ai egogona,

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

2 Kolinita 6:10

'Abo'ama ma ima nuwamwau ta esi 'atemaya 'agwaugwausowala. 'Abo'ama 'atuwa gomabeso ta esi esaesa 'aegueguyai tomota yaudi 'ediya. Nigeya wate 'ima gwegwemo, ta esiya yage maibo'ana 'emaya simiyami.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

Ibeliu 10:34

Ta wate 'aidi deliya sisa'udi ga manudi wa'ate uyauya ga walemedi. Ta wate tuta nina tomota 'imi yageyao 'ediya si'anawala, wagwausowala 'ai'aila, manuna wamwalatonina 'aene galewaya 'imi yageyao bobo'ana wawasae ta miyamiya atayadi simiyami.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

1 Pita 1:8

Keliso nina tauna nigeya wa'ita'ita ta tuga waobobomena, ta gete tuga wate nigeya wada 'itena, ta tuwa tuga 'ena waemisa, ta 'imi gwausowala 'enaya geya'abo tagwaegwae.