Yoni 16:17 - Loina Tabu Auwauna NT

¹⁷ Ta 'aidi 'ina tononoyao gosediyao 'ediya sigwae, “To'ase 'ina ona gete 'ana mwalatoi? Manuna 'edaya 'iona, ‘Tuta gidalina 'ena be geya'abo wate wa'ita'itagu, ta tuta gidalina ma'etamo 'ena wada 'italimagu’, ta wate 'edaya 'iona, ‘Manuna yatatauya Tamagu 'ena’.

Yoni 16:17 Σταυροειδείς Αναφορές

Maki 9:10

'Enega yage nina sisa'u kwaiyena, ta taudimo sionaona, sigwae, “'Ina ona nina toololimana manuna mwa'adega 'ana mwalatoi?”

Maki 9:32

Ta 'ina e'ita gete manuna nigeya simwalamwalatoni, ta esi nigeya 'idi 'Inapwana 'ena sienaenaida, manuna simatauta.

Luke 18:34

Ta 'ina tononoyao nidi nigeya 'ebweu wate 'ina ona nina 'ana nuwasabwalena 'ediya 'ilugulugu.

Luke 9:45

Gote 'ena 'igiekwani 'ai'ailidi, 'enega nigeya sawesawenaya be yage gete manudi nuwadi 'isabwalena, ta Yesu 'ena nigeya sienaenaida be 'aene 'ida giemaedana 'ediya, manuna simatauta.

Yoni 12:16

Tuta gote 'ena 'ina tononoyao nigeya ona nina sinuwanuwa sabwaleni, ta esi Yesu 'ina toololimana mulinaya sinuwa'i'isina ona nina Buki Tabu 'enega, tuga nadigega to'ase tomota siguinuwena Yesu 'ena.

Yoni 14:22

'Enega mali Yudasa, (tauna nigeya Isikaliota) Yesu 'ena 'igwae, “'Inapwana, mwa'adega 'uda e'ita'eseyo 'emaya ta nigeya me bale'u 'ediya?”

Yoni 14:5

'Enega Tomasi Yesu 'ienaidena, 'igwae, “'Inapwana, to 'eda 'enega 'utautauya? Ta mwa'adega 'eda nina 'ada mwalatoi'ese?”

Yoni 16:1

Ga Yesu wate tonono nidi 'ediya 'iona, “Ni'atu yage nidi getedi yasimanedi 'emiya be 'enega geya'abo 'eguyega wabe'ube'u.

Yoni 16:16

'Enega Yesu wate 'ediya 'iona, 'igwae, “Ni'atu tuta gidalina 'ena be geya'abo wate wa'ita'itagu, ta 'enega tuta gidalina ma'etamo 'ena wada 'italimagu.”

Yoni 16:18

To'ase getedi ‘Tuta gidalina’ 'ana mwalatoi?” 'Enega sigwae, “'Iyaugwa! Nigeya tamwalamwalatoni to'ase manuna 'ionaona.”

Yoni 16:19

Ta Yesu 'ina tononoyao 'idi nuwanuwa 'imwalatonidi be 'aene nuwanuwadi 'enaya sida enaida, 'enega 'ediya 'igwae, “To'ase manuna taumimo waenaenaidemi? 'Aene manuna yagwae, ‘Tuta gidalina 'ena be geya'abo wate wa'ita'itagu, ta tuta gidalina ma'etamo 'ena wada 'italimagu’, aga?

Yoni 16:5

Ta esi ni'atu be yatatauya tauna 'ietuneguma 'enaya, 'enega yage nidi gete tuga yagieapwesedi 'emiya. Ta ni'atu gete be yapilisinemi, ta nigeya 'ebweu 'emiyega yaita 'ienaenaidegu be nai 'ida gwae, ‘Mwa'o 'utautauya?’