Yoni 15:25 - Loina Tabu Auwauna NT

²⁵ Ta 'idi guinuwa nidi ni'atu 'iapwesa 'ai'aila manuna Buki Tabu 'ena 'ionaupaupa saba 'igwae, ‘'Idi guitoyasa manugu nigeya 'alenamo.’

Yoni 15:25 Σταυροειδείς Αναφορές

Madiu 10:8

Tole'oasao wagiebobo'anedi be tomwawasa wagietoolodi be tolepeloyao wagie'esasedi, ta wate yaluyaluwa bi'i tomota 'ediyega waula apwesedi. Yaubada 'ina oboboma ni'atu 'i'ebwaya daisimi, 'enega 'omi wate 'ilobwenemi be wada 'ebwayadaita tomota 'ediya.

Luke 24:44

Ta 'ieonedi, 'igwae, “Ona nidi ni'atu yaemwasalidi 'emiya tuta nina 'abo'agu ma'emi, maibo'ana manugu si'etoladina Mosese 'ina buki 'enaya be palopitao 'idi buki 'ediya ta wate wali Same 'ediya, be 'enega 'igu simana nina 'ana mwalatoi 'ai'aila 'ida apwesa.”

Yoni 10:34

Ta Yesu wate 'ediya 'igwae, “Loina 'eto'etoladina 'imi Buki Tabu solanaya, 'igwae, ‘Ni'atu yaona 'aene 'omi yaubada nimi.’

Yoni 13:18

“Yage getedi nigeya 'aene maibo'ami manumi yaonaona, ta esi taudi yaesinuwediya manudi yaonaona, ta Buki Tabu 'ina simana mali tai manuna 'igwae, ‘Tai nina tauna 'ana masula ya'ebwa'ena, 'isanaila ga 'ietalauwalegu.’ 'Enega ona nina 'ana 'ai'aila 'iabe 'iapwesa.

Yoni 19:36

Yage nidi gete ni'atu siapwesa be 'enega Buki Tabu 'ina simana 'ida apwesa, tuta nina 'igwae, “Geya'abo sa'i lulunao silasalasadi.”

Loma 3:19

Ta ni'atu tamwalatonina 'aene Mosese 'ina loinao nate me Yudia 'ada loina, be 'enega geya'abo yaita 'ionaona limana tuta nina Yaubada 'ina bwa'omatana 'ena, manuna maibo'ada toto'umalida.

Loma 3:24

ta esi Yaubada 'i'atenuwa 'ole'oleyeda ta 'iobobomeda, ga Yesu Keliso 'enega 'ili'amida 'ida loegesiyao 'ediyega, 'enega Yaubada 'i'awa palupaluyeda.

2 Kolinita 11:7

Lowa Yaubada tetelina 'emiya yaloguguyaena, ta nigeya 'ebweu maisa manuna yaonaona 'emiya, 'enega wanuwena nai yaloegesi manuna 'abo'agu yagimwa'utegu be 'aene 'omi wada miyatu'e.

Galetia 2:21

'Enega geya'abo Yaubada 'ina oboboma nina yae'idi'idiye. Geya'abo tanuwanuwa 'aene Mosese 'ina loinao 'adi ematamatana 'enega Yaubada 'ida 'awa bobo'aneda. Nate be Keliso 'ina mwawasa nina 'ieyage besobeso.

2 Tesalonaika 3:8

Nadigega wate taumamo 'ae'enima. Boiboi be 'asiyata 'ediya 'apaipaisewa, manuna geya nuwama be 'ami mwau 'asa'u 'ama masula manuna.

E'ita'ita 21:6

Ta wate 'ieonegu 'igwae, “Ni'atu! 'Abo'agu tuga 'ebe e'ale be 'ebe losalowa, ta 'abo yaisigedi taudi tona'adi siyapasa bwasi bobo'ana yada 'ebwaya daisidi yawasidi manuna.

E'ita'ita 22:17

'Enega Yaluyaluwa Tabuna ta toai mewainena sigwae, “Wamai.” Be yaisigedi 'omi ona gete wanononaya, 'omi wate wada gwae, “Wamai.” Ta taudi tona'adi 'iyapasa sida mai, be 'enega yaisigedi taudi nuwanuwadi, yawasi bwasina sida 'ewadaisi be sinunuma. Nigeya 'ana maisamo.